Sharon & Victor & Tung Tung 幸福之家

二零一五年四月五日     星期日

由於晚上約咗親戚係旺角食飯，所以今日都唔打算去太遠嘅地方，加上係網上見到海港城有掘復活蛋活動，所以就帶埋彤彤去湊下熱鬧啦~

我哋大約 2:45PM 去到，原來唔係人人都可以入去玩的，但只要向公益金捐 $50 ，就可以由一位家長陪同，入去玩 20 分鐘，儲齊 E A S T E R 呢 6 隻蛋，仲有禮物添，所以就即時幫彤彤報名~

但由於太多人關係，3 點同 3 回半果 2 場已經滿咗，要等到 4 點果場先有得入去玩，所以我哋就係外面影下相先，可係海港城行一街先再返嚟等~

二零一五年四月四日      星期六

今日係 Easter 長假期嘅第二天，亦係兒童節，祝各位小朋友天天都咁開心快樂，日日都係兒童節~

係兒童節呢日，我哋約埋表哥仔一家，仲有老爺奶奶，同埋細姑仔，一齊去濕地公園玩下~

我哋大約 2 點就嚟到，今日天氣好熱，仲好曬添@@ 估唔到今日好多人嚟濕地公園呀，排隊買飛都要排差唔多半個鐘~

二零一五年四月三日     星期五

一連五天嘅 Easter 長假期開始了，今日我哋決定去一個無未去過嘅地方 -- 林村許願樹，唔止彤彤未去過，我同老公都未去過~

所以食飽早餐，我哋就向林村出發，先搭到大埔寶康橋，再轉乘 25K 小巴去林村~

二零一五年三月廿九日     星期日

海洋公園嘅澳洲歷奇終於都正式開幕喇，我哋當然要帶彤彤去睇下樹熊同埋袋鼠 BB 啦~

大約 1 點到就嚟到海洋公園，但今日都幾多人，仲要幾熱下添，所以我哋都無搭纜車上山，只係响山下行下玩下就算了~ 

二零一五年三月廿八日     星期六

今年係公公七十五歲，公公婆婆想請埋部份親戚食飯慶祝下，所以就約定咗今晚去食餐飯~

晚上先去食飯，日間當然要同彤彤去下街街啦，所以我哋就去了青衣城行下街喇!~

嚟到青衣城，見到有個大富翁嘅擂台係度，當然係同彤彤影下相先啦~

二零一五年三月廿七日     星期五

今晚放工後，就即時埤返去公公婆婆家接彤彤，去行下街街食下飯~

我哋揀咗去寶琳，貪佢夠近，又多食店嘅選擇，今晚我哋揀咗食吉豚屋，Yummy!~

食飽飽後，我哋就去行下街，之後就去影下相，之後就回家了~

28 個月大嘅彤彤，係轉咗新學校之後，好似突然開竅咁，突然識講多咗好多嘢，仲識唱唔同嘅歌添，所以一定要寫返篇 blog 記低先得~

話說 2 月頭嘅時候，彤彤轉咗新學校，其實果時無諗過新學校真係咁好的，當時只係希望係度讀 PN，就大 d 機會有位比彤彤係度直升 K1，因為我真係好想彤彤可以係一間近屋企，而課程又比較深同埋谷嘅非學卷學校度讀幼稚園~

大約係新學校返了 2 星期度，彤彤就開始講多咗嘢，雖然仲有好多外星話，但起碼可以聽得明 5 成以上，而且仲開始自己係度唱歌添~

見佢開始多咗講嘢，咁岩又遇著新年假期，我係放假果幾日，除了日日陪彤彤玩之外，仲成日同佢講多 d 嘢，又教下佢多 d 生字咁，當然有教佢講恭喜發財同埋身體健康啦~

二零一五年三月廿二日     星期日

今日天氣好好，唔太熱又有少少風，所以就諗住去離島行下，我哋揀咗去長洲，因為都差唔多一年無行過了~

但去到碼頭，入埋閘就有小小後悔了，今日都唔係什麼特別節日，但碼頭竟然勁多人，上到船亦都坐都滿晒~

二零一五年三月廿一日     星期六

今日老公要返工，所以早上只得我同彤彤在家，我哋瞓到差唔多 11 點先起床~

之後就準備搭車過維園會合老公，一齊去睇花卉展~

二零一五年三月十五日     星期日

由於晚上要去荃灣食飯，再加上我同彤彤都有小小感冒，所以今日都無特別去街，只係中午時，一家人出去飲下茶~

其實飲緊茶時，彤彤都有小小想瞓教的了，所以我哋快手飲完茶，就回家瞓下先~

二零一五年三月十四日      星期六

同彤彤一齊揀完相，老公都趕到過嚟 CWB 喇，我哋會合完之後，就帶彤彤去維園玩下放下電先~ 

咁岩有一家人係度吹 Bubble ，好多小朋友都行埋去玩，彤彤當然唔執輸，行埋去玩埋一份啦~

二零一五年三月八日     星期日

之前係 Groupon 買了一輯團購相，平日影就 $228 包 20 張相 + 一個 8 寸相架，星期六/日/紅日就加 $200 。之前都係呢間影過一次，叫做幾 OK，所以今次就再買多次啦~

原先呢輯相係上個月頭嘅平日影的，但咁岩彤彤撞到個鼻，所以就改遲到今日先去影 (因為星期日關係，要加 $200)~

今日為彤彤預備咗 4 套衫，攝影師問我哋影影家庭相多 d 定影彤彤多 d? 我哋當然話影多 d 彤彤得嫁喇~

之後就開始影，彤彤開始大個，而家好難要佢坐定定係度影相，好辛苦先氹到佢坐一陣 / 企定定，最後仲要出動好多個汽球先可以氹到佢笑下比攝影師影~

二零一五年三月七日     星期六

今日係迪士尼銀卡特選週末，當然要把握機會入場玩啦~

二零一五年三月一日     星期日

見好耐都無去海洋公園了，唔想浪費咗張年票，所以就今日入去玩下啦~

再行多次室內燈海，今次轉咗小小新年燈飾~

二零一五年二月廿八日      星期六

由於今晚要去屯門拜年的關係，所以我哋今日就早 d 出門，搭西鐵去錦上路玩下先~

我哋大約 12:00 嚟到錦上路站，之後就搭咗 $23 的士去錦田鄉村俱樂部~

二零一五年二月廿七日     星期五

今晚放工後，就即時返去公公婆婆家接彤彤，之後就搭車去鑽石山，行下荷里活廣場，又同彤彤影下相~

而家同彤彤影相真係幾難，一來佢唔會企定定比人影，二來而家佢識避鏡頭，知我哋影佢，佢會唔望我哋~

難得今日佢係企係度比我影，仲要肯望住鏡頭，又擺唔同 pose 比我影添，所以梗係把握機會，快手影多幾張啦~

二零一五年二月廿二日     星期日

嚟到長假期嘅尾聲了，今日都係要出動去拜年，仲要去到馬鞍山添~

由於晚上會同親戚一齊食飯，所以我哋早少少去到阿姨家中，坐一陣先，之後再出去行街，晚上先會合返一齊食飯~

二零一五年二月廿一日     星期六

今日嘅行程都好輕鬆，只係過去老爺爺奶奶家就得了，因為今日有一班親戚過去拜年，所以我哋當然要出席啦~

老爺奶奶仲叫我早少少到，幫手 "鄧" 下腳添~

由於要 "鄧" 腳關係，今日都無同彤彤影過相，只係知道彤彤有點扭眼瞓，但見咁多人係度，又野性想同人玩，所以就唔係瞓，係眼瞓嘅情況下，當然會扭下計，同發下脾氣啦~

晚上一大班親戚出去食飯，之後就各自回家~

二零一五年二月二十日     星期五

羊年大年初二，今日行程無咁緊密，而且比較輕鬆~

先到公公婆婆家食開年飯，之後就係公公婆婆家 hea 下，我同彤彤都係度瞓咗成 2 個鐘晏教添~

到晚上，就出發去酒樓食飯，今日係同好嫲嫲嘅弟妹團拜~

二零一五年二月十九日     星期四

今日係羊年大年初一，在此祝各位新年快樂，身體健康，萬事如意，生活愉快!!!

今朝一早就要起床，因為今日嘅行程好緊密啦~

未夠 12 點，我哋就換好晒衫，準備出發啦~

(設計對白 - 彤彤: 我準備好出發喇!~)