Sharon & Victor & Tung Tung 幸福之家

尋晚睇 US Open 睇到四點幾先瞓，所以今朝 11 點先起床~

根住食咗個飽就開工執屋，因為之前訂果 d 傢俬，下星期日早上就來送來，而下星期六我哋又要去飲 wor，所以一定要今個星期執定 d 嘢先~

唔執下嘢都唔知原來好多嘢都係好雞肋，最後我哋都係決定掉咗算數，雖然係好浪費，但而家唔掉，第時有了小朋友就真係仲頭痕~

如是者執到成 3 點鐘，終於都執完了，根住就叫了 2 個下午餐返來食~

之後我就睇下 d 英文，因為 10 月頭又要再戰 CRE(上次只係得 Level 1 咋)，希望今次可以拎到 Level 2 啦~

到 5 點半我哋就搭車過去新都城，因為今日係奶奶生日，我哋會一齊食飯慶祝啦~

食飽飽之後就一齊去 shopping 下，仲幫奶奶揀咗件衫 (係大果個姑仔的 bf 送的)~

因為 office 的冷氣太大，所以細姑仔想買件風褸係 office 著，咁我哋又陪佢去睇下，但佢一唔都睇唔岩心水，本身都要件幾岩的，但佢又覺得太貴 ($47x)，所以都係唔想買住~

見到咁嘢，我哋就話送比佢，姑仔即時開心晒~

之後奶奶一家就返屋企先，我哋繼續行下先，原來新都城新開了間玩具反斗城，我哋又入去八下先~

老公自己睇完反斗奇兵 3 之後，就鍾意咗巴斯光年，成日想買返隻細細地的巴斯光年公仔，放係度做擺設，咁岩又比佢係呢間玩具反斗城 wor，所以就買咗佢喇，仲買埋胡迪添呀~

根住我哋行咗去隔離間千色店，又買咗個蒸餸的隔熱托盤，只係 $10 咋，真係幾低啦~