Sharon & Victor & Tung Tung 幸福之家

二零一五年七月十五日     星期三

話咁快，彤彤就 PN 班畢業了，今日係 PN 班的 last day 喇!~

回想返上年 10 月的時候，仲好擔心無學校收彤彤讀 PN 班 (因為細 B 的關係)，到彤彤 2 歲生日前幾日 (11 月頭) 先搵到間學校收佢，仲要係一語境唔錯的學校添~ 係呢間學校，其實返得幾好，可惜真係太遠，公公辛苦時(公公負責接送)，彤彤亦都辛苦，所以當時已經打算 K1 時會轉校~

估唔到今年 1 月頭的時間，竟然收到 call waiting 嘅電話，係屋企附近的幼兒園打嚟，話 PN 班有位，可以比彤彤係下學期插班，由於呢間係心儀幼稚園之一 (可惜彤彤考 K1 當日因為眼瞓唔多合作，只係 waiting offer)，所以即時 take 呢個 offer (但讀開果間學枚要賠返一個月學費，加上新學校又要買過晒 d 校服，前前後後都駛多成 6k)，當時無諗過原來讀呢間學校嘅 PN 班 (即使係插班生)，都可以優先升上 K1，一心諗住讀開嘅話，求位時會易 d 掛~

係我回覆學校後，老師才透露給我知，如果老師評估過無乜大問題，都可以優先升上 K1~

二零一五年七月十四日 星期二

今晚上第四堂畫班，又係我放工返到公公婆婆接彤彤去上堂，今日好準時，去到畫室門口，上一堂嘅小朋友岩岩落堂~

老師出嚟接彤彤入課室，我就同佢講 Bye Bye，之後就返去公公婆婆家先~ 夠鐘就落去接返彤彤，彤彤見到我就好開心咁拎住幅畫作跑過嚟，同我哋講係佢畫的，仲話好靚~

老師同我講返，彤彤執筆的手勢唔正確，佢執筆的手勢會令佢隻手好快就攰，所以今堂基本上都係教彤彤點執筆，幅畫大部份都係捉住彤彤隻手畫的~

老師仲話，如果唔趁而家未開始學寫字前，快手改正返，第日真正學寫字時，就好難再改正，同埋會令彤彤覺得寫字 = 易攰，就會唔鍾意寫字，所以叫我在家都張多點提下彤彤，要用正確的手勢嚟執筆~

二零一五年七月十三日 星期一

今日係彤彤 PN 班嘅結業禮，所有小朋友的家長都受邀出席。

雖然結業禮非常簡短，只有45分鐘 (因為今日整個下午，有 3 場結業禮舉行)，但原來小朋友們排練了 3 首歌，來表演給家長們睇。 細聽之下，先知道原來係近排彤彤成日唱的歌，都有成個月的事了，原來小朋友為咗呢次表演，已經練咗成個月，彤彤仲要唱的好投入，又跟歌詞做岩晒動作~

表演完後，小朋友們唔可以離開住，要留係原位比家長們影下相先，等老師叫佢哋可解散，去返父母身邊先離開原有位置，真係好乖好低讚~

之後就分為 3 組，去校園不同的地方影相留念，每個地方有 10 分鐘時間比果組家庭影相。 我哋果組就先去戶外操場，當時係下午 2 點幾，真係好熱下，彤彤只係出嚟一陣，就成頭汗~

二零一五年七月十二日 星期日

今朝一早就起床，之後快手食埋早餐，就去搭車入機場博覽館，由於車程要 1 個鐘頭 9 個字，所以我哋去到都已經 11:45 了~

咁遠點解要入嚟? 因為有好嘢玩 lor，就係一年一度的 「探索大自然遊學園 x 動物農荘」，我哋仲約埋表哥仔一齊添，不過佢哋要晏少少先入去~

由於彤彤未夠 3 歲，所以只需買幼童票就得 ($40)，真係好低玩~ 出年就要買小童票，貴好多呢 ($160)~

買完飛，就睇下有乜玩先，e..... 好似都幾多嘢玩 wor~ 可能時間仲係早，唔算太多人，所以我就叫老公陪彤彤排隊玩充氣滑梯先，而我就就去排隊拎預約籌~

二零一五年七月十一日       星期六

其實一直以來，我都覺得彤彤講嘢唔係好叻，同表哥仔比，真係好似好差咁添~

表哥仔大彤彤 7 個月，回想返，未夠 2 歲的時間，表哥仔已經識叫晒所有親戚的稱呼，又識講自己想食什麼，但彤彤呢? 到 2 歲 3 個月先開始識叫幾位親戚的稱呼，但仲係唔識表達自己~ 雖然彤彤講嘢唔叻，但認知上，佢又好 OK 嫁 wor，佢識好多唔同的物品/生果/動物的叫法，佢問題係唔識用句子講出嚟，PN 班的班主任亦都有同我講過，彤彤唔識表達自己的想法，同埋老師以為認知差 (老師話問佢唔識答，我問返老師問什麼，原來彤彤係識的，只係佢唔肯開口答老師)，所以就開始留意下，有無一 d 評估可以做，睇下彤彤語言能力係唔係出咗問題~

其實仲有另一個原因，而令我想帶彤彤去做評估，就係佢近排嘅 trouble two 問題嚴重咗，扭起計上嚟，絕對唔係人咁品，伸直晒個人，拗晒腰，對腳起勢亂踢，(佢力度之大，我有時都唔夠力抱實佢，老公都係勉強抱得住佢)，有咁大聲喊咁大聲，慌 c 無人知佢扭計咁，有時出街遇到呢種情況，真係好鑼 lor~ 咁岩 6 月尾的時候，比我係 Gen Mami Blog 見到小檬學 F 發音的 post，知道有一間幼兒服務機構，有得做呢方面的評估，仲要有 Summer Promotion，$200 就可以做一個 45 分鐘的評估，分析唔同的發展情況，所以就打電話去 Book 咗 11/7 做評估~

今日老公要返工，所以只有我單拖帶住彤彤去做評估，由於治療師有嘢做緊，所以要等一陣先可以同彤彤做評估，職員好好人，開咗一間房比彤彤入去玩，仲拎咗 d 玩具比佢玩添~

二零一五年七月七日 星期二

今晚上第三堂畫班，我放工返到公公婆婆家時，彤彤已經換好晒衫等我，仲不斷同我講話去畫畫，今日好準時，去到畫室門口，上一堂嘅小朋友岩岩落堂~

之後有老師出嚟帶彤彤入課室，彤彤仲第一個自己行入去課室添，而我就係課室門口同彤彤 Say Bye Bye，佢仲笑住同我揮手~

我就返去公公婆婆家先，等夠鐘先落去接返彤彤，彤彤見到我同 Daddy，就好開心咁拎住幅畫作跑過嚟，同我哋講係佢畫的~

老師同我哋講返，痴痴貼貼係老師幫手做的，其他都係彤彤自己畫的，已經做得好好~

二零一五年七月五日     星期日

之前係 Baby Kingdom 見到有媽咪講，話將軍澳廣場有 4D 恐龍展，見今日諗唔到想去邊，將軍澳又近近地，所以就一於去睇下啦~

其實所謂 4D 恐龍展，只係得 5 條恐龍同埋一條恐龍化石，而 d 恐龍就隔一段時間會擰下個頭，同埋擘大個口叫下咁，無乜特別，所以我哋影完相，就離開果度，過返去 Popcorn 行下街好過~

睇完恐龍，彤彤成日係度扮恐龍擘大個口叫@@

之後又行埋 Baby 反斗城，行多陣我哋就返去公公婆婆食飯了~

二零一五年七月四日 星期六

近排最 Hit 嘅人物，相信大家都估到，就係迷利兵 - Minions 喇，所以我哋當然要去湊下熱鬧，四圍尋找下佢哋啦~

今日我哋就先去新世紀廣場，估唔到好多人已經係度影緊相，仲要隻隻公仔都要排晒長龍，所以我哋先去快手食埋 lunch，先再去搵佢哋影相啦~

彤彤見到呢 3 個小兵，唔知做乜突然好興奮，仲係度扮佢哋嘅表情 (留意彤彤個咀形)

影完樓上，就去影大堂喇~ 雖然好多人排隊影，彤彤都算人耐性，肯乖乖地跟住排隊~ 輪到我哋影時，彤彤仲走埋去小兵度 say hello ，又會拖住小兵隻手比我影相添~

二零一五年七月一日      星期三

其實之前成日都想試下食添好運，但次次去到都要等好耐，所以等等下就會放棄，今日終於有機會試下喇，奧海城呢間分店，又唔算好多人，只係等了半個鐘度，就有位喇~

原先呢碟腸粉係特登叫埋彤彤食的，點知佢唔太想食~

蝦餃嘅皮好簿好依 un，正~

因為佢比呢籠黑糖馬拉糕吸引住，自己一個人食晒成舊 lor~

二零一五年六月三十日 星期二

今晚上第二堂畫班，我放工返到公公婆婆家時，彤彤已經換好晒衫等我，仲不斷同我講話去畫畫~

我哋早咗 10 分鐘到達，由於上一班未落堂，所以我哋要係門口等一陣先~

夠鐘就有老師出嚟帶彤彤入課室，彤彤仲第一個自己行入去課室添，而我就係課室門口同彤彤 Say Bye Bye，佢仲笑住同我揮手~

之後我就返去公公婆婆家先，等夠鐘先落去接返彤彤，彤彤見到我已經好開心咁拎住幅畫作跑過嚟，同我講係佢畫的，仲話好靚，又讚自己叻叻~ (阿囡，叻叻係人哋讚先有用嫁，唔係用嚟自己讚自己的)

二零一五年六月廿八日     星期日

今日又係好熱嘅一日，天氣咁熱，我哋唔係好想同陽光玩遊戲 lor，所以都係留係室內地方好 d，我哋揀咗去愉景新城，因為果度有好多岩小朋友玩的玩意~

係商場內，見到一整排卡通人物車，彤彤當然想玩啦，所以我哋就比佢玩咗 Kitty 果架，但當架車左右搖擺時，佢又驚到話要落地，真係細膽~

既然係唔夠膽玩，就同你影下相算啦~

玩完車車，我哋就行咗陣街，又係 Kids Zone 度玩咗陣，之後就過返 Aeon 果邊行下添，然後就搭車返去公公婆婆家食飯~

二零一五年六月廿七日     星期六

係中環港鐵站行出嚟，再上埋行人天橋，已經見到迷你版嘅摩天輛，當然要影下相啦~

過咗天橋，落返地面，好快就去到新荔園的入口，我哋就係度影咗一陣相先入場~

講真，咁多年後，再去荔園，已經唔係細個果時的感覺了~ 細個時對荔園嘅記憶已經好褪色，好多都唔太記得了，呢隻大象仲有小小印象，但真同假象，已經唔同感覺啦~

呢隻恐龍，講真我真係唔太記得，ha ha....