二零一四年二月三日 星期一
攪乜鬼，今日又係好熱呀，仲熱過尋日，所以今日又要著短袖衫去拜年，Crazy!~
長假期嘅最後一日，今日又係要出去拜年，今日去老公個阿姨家拜年，係馬鞍山果邊~
由於我哋平時好少去馬鞍山，所以今日特登早少少過去行下街街先~
呢度都幾多嘢行，有馬鞍山廣場同埋新港城，而且 2 個商場都算大，我哋都行咗成 2 個幾鐘呀，之後就行過去阿姨家中拜年~
去到阿姨家中坐咗一陣，傾咗一陣計，我哋就帶彤彤落樓下公會玩下先，順便訓練下佢行下路~
玩咗大約一個鐘，就上返阿姨家中，等夜少少一齊出去食飯~
食飽飯後就回家，係搭車途中，覺得彤彤隻手仔有少少熱，回家後同佢探熱又好正常，希望佢唔係開始作病啦~
請先 登入 以發表留言。