Sharon & Victor & Tung Tung 幸福之家

之前嘅 blog 文都有提過, 我原先請果位陪月姨姨，因為佢個女嘅孖B提早出世，所以唔可以幫我手，於是 agent 果邊幫我搵咗 2 位陪月姨姨來頂更，每位做 2 星期~

其實有時諗返，我覺得我有少少因禍得福，因為原先請果位陪月姨姨，有少少跟跟計較，interview 時已經講唔做D乜咁，又話只會照顧BB同煮飯比我食，連老公果份飯都唔太想煮(其實都係加多少少份量啫)，但頂更呢 2 位姨姨都好好，好多時唔係佢職責應該要做嘅嘢，都會幫手做埋 (e.g. 拖地, 洗廚房, re-heat 姜醋, 整甜品等等)~

真係好多謝 2 位姨姨(梅姨 & 玲姐)嘅幫手，同埋佢哋真係教識我好多湊B嘅知識，仲煮咗好多好嘢比我食~


梅姨煮過嘅餸菜：

二零一二年十一月十四日 星期三

今朝又六時多就比嬸嬸叫起身，先同我量血壓，然後又比枝探熱針比我同阿Ｂ量體溫，之後就派早餐。

  

咁我就先去洗手間洗面先，返到床位時，我見阿B醒咗，咁我就快手去揼奶先，揼完奶返到來，阿B又係度喊緊，我就即時餵咗佢食奶先~

阿Ｂ一有奶奶食就好快收聲，仲食得好快，食飽飽無幾耐就瞓著咗了，而我就食早餐~

   

過咗一陣醫生就來巡房，我問醫生係唔係今日可以出院(因為我真係好想快D回家，唔想係度比人迫我餵奶，又成日瞓瞓下又比人捉住量血壓)，醫生先檢查我個傷口，話埋得好好，又無血水果D，仲話已經乾，所以我可以出院，醫生仲話回家後可以沖涼都唔怕(但我唔會咁做Lor)。

之後醫生話可能阿B未出得院住，要再磅下重先知可唔可以出院。因為阿B收水收得太多，好似話多過 10%，所以一陣要再磅下，睇下有無重返少少先知可唔可以出院~

咁我就通知定老公同我父母，話我下午可以出院，但阿B就未知，叫佢哋準備來接我~

二零一二年十一月十三日 星期二

今朝又六時多就比嬸嬸叫起身，先同我量血壓，然後比枝探熱針比我同阿Ｂ量體溫，之後就派早餐。

咁我就先去洗手間洗面先再食早餐，點知我返到床位時，嬸嬸話阿Ｂ好肚餓係咁係度喊，佢把喊聲差唔多成個病房都聽到，正一大聲妹來＠＠

二零一二年十一月十二日 星期一

今朝六時多就比姑娘同嬸嬸叫起身，話要起身食早餐，之後等醫生來巡房，但因為我仲未落得床，又抱住阿B，所以我只能繼續留係床上，嬸嬸見我仲抱住阿B，就幫我將阿B放返過去車仔，等我可以食早餐。

二零一二年十一月十一日    星期日

到達產後房後，可能麻醉藥仲未散嘅關係，個人仲係好攰，同埋無乜力咁，但我比唔同嘅人圍住來問嘢，所以無得瞓 lor~

首有位嬸嬸幫我量血壓同度體溫，之後就有姑娘來問我有無乜嘢唔舒服，我話仲有D痕，但姑娘話我之前打咗止痕針，未夠8 個鐘唔可以再打，起碼要等到9 點先可以再打，叫我忍下先。之後我問姑娘，我可以幾時見到BB (當時BB唔係我身邊，但其他媽媽嘅BB都係架車仔放係身邊的)，姑娘話阿B體溫低，要瞓暖箱，等BB體溫回復正常就會推返來我身邊~

之後就有嬸嬸來幫我清潔下體，同埋洗傷口，嬸嬸好好心機，好輕力咁幫我清潔，仲教我明天下床時，要就住個傷口，唔係就會好痛嫁喇！～

二零一二年十一月十日     星期六

插尿喉時有少少唔舒服，但一定唔係好似其他人講咁唔舒服，只係比人”廖”咗 1-2 下下面咁，插完後好快就 feel 到個肚鬆咗，無咁谷住咁~

之後就一直係產房內同老公吹下水，同埋同阿B講，叫佢快手D自己出來，唔好要阿媽咁辛苦，同埋唔好要阿媽捱一刀~

大約5 點幾6 點時，子宮開始收縮多咗，條腰好聚，同埋好 yuen 痛，所以我又襟咗一下製來加麻醉藥嘅份量，心諗開始有料到，阿B可能好快會出來了~

二零一二年十一月十日     星期六

到達產房已經差唔多點了，首先要磅一磅重，之後就要換上產房的拖鞋，再要除低身上所有配飾，之後就被安排進入我的生產房，由於QE的產房裝修緊，所以有D生產房會有2張床係度，咁岩我被安排果間生產房就係有2張床的，姑娘同我講，佢哋一般都盡量安排一人一間房，但如果同一時間太多人生得，先會安排另一位孕婦入來，到時老公就唔可以留係度陪我，除非隔離床的媽媽唔介意~

大約9:15AM 我就瞓咗上去我張生產床度，當時老公亦已經係門外等候，暫時唔可以入來住，之後有位助產士入來，幫我SET 好鹽水袋同埋催生藥袋，再推埋個笑氣樽入來，之後就同我講，一陣會有醫生來同我人工穿水，叫我等一陣，之後就話而家可以比老公入來陪我~

大約10點，先前係產前房安慰我果個女醫生入咗來，話要同我做人工穿水，當時雖然有少少驚，但都好放心，因為見到係呢位女醫生~

二零一二年十一月十日     星期六

早上六時多我就被叫醒了，因為醫生會係七時半巡房，所以我哋要早 d 起身梳洗同食早餐~

大約 7 點，就有嬸嬸來同我哋量血壓 & 體溫，醫生就大約 8 :15am 來睇我~

又係尋日果個粗魯女醫生，先問我塞藥後有無陣痛，我照同佢講無規律的痛就有，之後佢同我講我血壓仲係偏高，佢問我想塞藥多一日先，定今日直接催生? 佢話最好今日內生埋 bb 出來，因為我有妊娠毒血症，bb 早 d 出世會好 d，所以我即時答佢咁今日啦~

二零一二年十一月八日     星期五

早上返公司交帶埋 d 嘢，下午 2 點由老公陪同下入咗 QE 的產前病房~

老公先幫我去辦理入院手續，之後佢只係可以係病房外等到探病時間(5:00 - 8:00pm)，先再可以入來睇我~

首先有嬸嬸同我度高、磅重、度肚圍，之後就叫我去換咗套住院服，同埋留 d 小便比佢哋化驗~

大約 2 點半度，就安排咗我個床位，係靠窗的，d 冷氣吹唔到，又有少少太陽的關係，所以比較熱~

生咗已經 3 個多月了，日日對住彤彤(bb 的名)，雖然呢幾個月我都無返工，但真係無乜意欲去 update 個 blog~

咁樣唔得嘅，我要記低彤彤的成長過程，留返比佢大過咗時可以睇返 (希望可以做到啦..... )

彤彤唔係自願出來嫁，係醫生要佢提早出來的，等我講返當日的情況先~

二零一二年十一月八日 星期四

係公司忙緊 handover 嘅嘢(因為我的產假係 10 號開始)，大約下午 3 點幾，突然收到 QE 姑娘的電話，當時已經心知不妙，唔通星期二的化驗報告有問題? 果然真係有問題，姑娘話我 d 小便用機 check 過，同用試紙的結果一樣係有蛋白，仲要幾多下添，所以想我明天一早入院 check 清楚，有機會要同我即時催生，如果催生失敗就要開刀拎 bb 出來~