Sharon & Victor & Tung Tung 幸福之家

二零一四年九月三十日     星期二

等咗 2 班穿梭巴士，終於都上到車喇，返到金沙城中心，見好多店舖都未閂門(果時 9:30pm 度)，所以就係商場四圍行下影下相~

當然唔少得去行下 Kids Cavern 啦，但可惜仲有 15 分鐘佢就要閂門，所以只能好快咁行一圈就算，唯有睇下聽日有無時間行多轉啦~

二零一四年九月三十日     星期二

係酒店房休息咗陣，我哋就去搭穿梭巴士過銀河酒店果邊，因為 Book 咗食群芳自助餐，嚟慶祝我嘅生日同埋拍拖紀念日~

去到銀河酒店，先搵 Customer Service Counter，登記做銀河會會員，咁去群芳食自助餐就可以用優惠價來食~

登記完後，彤彤又瞓咗，所以老公只可以繼續孭住彤彤，而我就負責出去拎嘢食返嚟食~

二零一四年九月三十日     星期二

我哋返到酒店，彤彤就瞓醒喇，真識揀時間瞓 (要自己行就瞓教，返到房就醒) !!! 

咁我就執好游水嘅用品，準備搭 lift 去泳池，彤彤就係房內周圍走~

二零一四年九月三十日      星期二

係酒店房休息咗陣，我哋又出動去玩喇!~

我哋先行出去酒店門外嘅巴士站，搭巴士去石排灣郊野公園，去熊貓館睇熊貓~

坐幾個站就嚟到石排灣郊野公園~

二零一四年九月三十日      星期二

今朝瞓到 8 點先起床，但彤彤都仲係好眼瞓，所以我哋就唔叫醒佢住，等佢瞓多陣先~

我哋梳洗完，就叫醒彤彤，之後就帶埋彤彤去食「夢工場明星早餐」~ (我哋個 package 只包普通早餐，但我哋另外加了 $110 一位大人去 upgrade 做「夢工場明星早餐」)

我哋大約 9:10am 就到達 (原先 book 咗 9 點的)，原來都唔係好多人到咗，所以職員安排我哋坐係比較前嘅位置~

二零一四年九月廿九日      星期一 18:30 - 21:30

我哋由科學館搭巴士過去新馬路果邊，唔知係唔係遇著放工時間，架車勁多人，好彩仲有一個位，咁我抱住彤彤坐先無咁辛苦~

間車好快就嚟到新馬路，我哋沿住議事亭前場一直行入去，同埋附近嘅教堂，再行埋上去大三巴，晚上嘅景色好靚啦~

但天氣真係好熱呀，彤彤熱到好忟，成日扭計，又無啦啦係度喊，所以係呢度影出來嘅相，大部份都唔好~

二零一四年九月廿九日      星期一 15:30 - 18:30

食飽飽，又睇埋巡遊後，我哋就行去搭酒店穿梭巴士過去舊金沙酒店，之後再係烈日當空下行咗 15 分鐘先去到澳門科學館，真係熱到傻咗，而彤彤就熱到瞓著咗，孭住佢行果 15 分鐘，真係有想 c 嘅感覺 lor~

二零一四年九月廿九日      星期一 13:30 - 15:30

由於酒店的 Package 送了 $400 的餐飲卷，而我哋又唔想出去搵嘢食，所以就近近地，揀咗樓下呢間 Bene 意大利餐廳~

由於同行有小朋友，所以入坐時，職員就送咗份小禮物比彤彤，係一本填色冊，當然仲有幾枝顏色筆啦~

二零一四年九月廿九日      星期一 12:00 - 13:30

落咗穿梭巴士直入就係酒店大堂，但由於仲係辦理緊 Check-out ，暫唔可以辦 Check-in 住，職員話要等到 1:00PM 先可以 Check-in，所以呢半個鐘就係大堂等下，同彤彤四圍影下相就算，費事再行去第二度，因為拖住個行李箱比較麻煩嘛~

二零一四年九月廿九日      星期一 8:30 - 12:00

今朝 6:30 AM 就醒了，洗面刷牙後，就執埋少少日用品落行李箱內，之後就叫醒彤彤飲奶，再落樓搭巴士出中港城~

由於有絲帶行動嘅關係，比平時等得耐先有巴士，仲要無乜位，我哋彤彤只能住倒頭位，老公因為要拎住行李箱，所以有位都唔坐得，之後又塞下車，車程比平時耐了半個鐘以上，攪到我哋成 9:35 先到中港城，幾驚趕唔切呀~

去到船公司的 counter，即時劃位先，再去寄行李 (豪華位免費的)，之後就入閘了~

準時 10:00 就開船，我哋就玩下自拍先~

既然已經買好套票，又係時候要上網做下資料搜集，睇下澳門有乜係一家大細親子的好去處~

做完一大輪功課後，始知澳門好多地方都好岩一家大細去玩，所以編排行程都有少少頭痛，最後我哋定咗下面的行程:

29/9/2014

30/9/2014

1/10/2014

其實一直都想帶彤彤去下旅行，但又驚我哋攪唔掂彤彤，始終都係帶住一個 2 歲未夠的小朋友周圍去幾日，又唔可以返屋企張床瞓，所以就有咗帶彤彤去澳門玩幾日，睇下攪唔攪得掂的諗法喇!~

既然有此打算，就一於付之行動啦，先去各大旅行社拎 d 澳門 Package 的資料，再比較一下平貴，我哋的目標係去 3 日 2 夜，所以選擇唔係好多~

最後我哋揀咗中旅社的「澳門金沙城中心喜來登 3 日 2 夜體驗套票」，已包 2 位成日的來回船票及早餐，再送 2 張變形金鋼展的門票 (價值 $200) 及夢工場明星禮品包，仲有 $400 酒店消費現金卷，儲齊印仔 (行晒 3 個商場蓋印)，仲有另外一份神秘禮物。我哋將來回船票都 upgrade 去豪華位，另外再買了彤彤的來回豪華位的船票，再 upgrade 了其中一日的早餐做夢工場明星動畫早餐，成個套票洗費 $4552~

船票訂了 29/9 早上 10 點，及 1/10 晚上 8 點，所以應該都可以玩足 3 日 2 夜~

另外，今次的澳門行仲有另一個目的，就係慶祝我的生日同埋拍拖紀念日，所以我哋仲訂埋銀河酒店的群芳自助餐，訂位時講低係慶祝生日的，酒店會免費送上一個生日蛋糕~