Sharon & Victor & Tung Tung 幸福之家

二零一四年十一月十日     星期一

時光飛逝，轉眼間彤彤就由一個水壺大小的 BB，變成一個 2 歲的小娃兒。開始有自己的思想同諗法，開始識表達，開始識同其他人溝通。

Daddy & Mami 見住你一天一天長大，由初初的懞懞懂懂，到而家活活潑潑，真係好開心~

祝彤彤兩歲生日快樂，要快高長大，健健康康，聰明伶俐，最重要係改善下你嘅脾氣，快點告別 Trouble Two，同埋考到心儀嘅幼稚園喔!

二零一四年十一月九日     星期日

今日唔需要出席幼稚園嘅面試，所以就想彤彤去公園玩下，但由屋企張子母床嘅子床爛咗，所以我哋就先去九龍灣訂造返張床先，呢 2 個星期就辛苦老公要瞓 sofa 喇!~

訂完床，就去德福食飯先，再出噴水池坐下 hea 下先~

二零一四年十一月二日     星期日

出席完幼稚園嘅面試，我哋就先去食 Lunch，之後就搭車去維園，因為今日呢度會舉行一年一度嘅「明愛籌款賣物會」~

大約 2 點我哋就入到場，今日超熱，又曬 wor，我哋驚熱親彤彤，所以我就孭住彤彤，再開埋把遮來擋下太陽~

我孭孭下彤彤，因為太熱，佢都頂唔住瞓著埋，我就一路孭住佢行咗差唔多個半鐘，真係攰 c 我呀!~

二零一四年十月三十一日     星期五

Halloween 的晚上，無特別帶彤彤出去玩，因為我今日鼻敏感發作，所以只係帶彤彤去行下 Aeon 超市，買咗盒 Halloween 特別版 Sushi~

回家後，再同彤彤戴個南瓜頭 cool，再影埋張相，叫做應下節~

二零一四年十月廿六日     星期日

事隔 2 星期，我哋又來海洋公園喇，因為顏色絲帶運動關係，我哋而家去海洋公園仲方便咗，又快咗，所以有時間都會入去玩下啦~

我哋大約 2 點入到去，先坐海洋列車上山，探下彤彤的最愛的朋友仔 - 企鵝先~

二零一四年十月廿五日      星期六

今日返 Playgroup 前，我哋又帶彤彤去了幼稚園的開放日，今日係去德福幼稚園，入到去先去唔同課室參觀同埋玩遊戲儲印仔~

儲夠 4 個印仔，就可以落地下操場換小禮物，之後就可以係操場玩下~

二零一四年十月廿四日     星期五

今晚放工就去我父母家接彤彤，之後同埋老公一齊去油塘食飯，見到有 Halloween 的佈置，當然要同彤彤影下相啦!~

二零一四年十月十九日     星期日

今朝一早出去九龍城盧醫生的診所抽血，因為都好耐無 check 過 d 血壓/血脂/膽固醇等等了，所以就去 check 下啦~ (自從有咗彤彤之後，我就有妊娠高血壓，所以生完 BB 之後都要定期 check 住有無血壓高的問題)

抽完血後，就去九龍城廣場食飯，之後就帶彤彤出去賈炳達道公園玩下~

二零一四年十月十八日      星期六

早排幫彤彤報了 20 間幼稚園，近呢 2 個星期開始收到面試通知書，點知 1/11 同 8/11 呢 2 日的面試時間撞到七彩，暫時分別收到 7 間同埋 5 間幼稚園係呢 2 日面試，有部份仲要撞埋時間添，所以暫時呢 2 日，預計只能分別出席 4 間同埋 3 間的面試，真係好煩惱呢~

除了面試通知書外，早幾日收到一間幼稚園的開放日邀請信，呢間幼稚園係屋企附近，所以今日係返 Playgroup 前，就行去睇下參觀下先~

唔知係唔係彤彤知道有得去玩，今日心情好靚呀，出門口等 lift 時，仲不停同我 Say Hello 添!~

二零一四年十月十六日      星期四

婆婆的白內障手術終於排到喇，就係今朝早上係將軍澳醫院做，所以我一早就起床，帶彤彤過去公公婆婆家先~

之後就由公公照顧住彤彤先，我就同婆婆搭的士去將軍澳醫院辦入院手續~

準時 9 點前就辦好手續到達伍白嘉寧白內障中心報到，之後就幫我媽著上手術袍及換上拖鞋，然後我媽就到入去手術區等候，而我就只能坐係外面等候~

二零一四年十月十二日      星期日

我哋張海洋公園 Annual Pass 係上個月尾已經到咗期，之前都諗過今年買 Disneyland 的 Annual Pass，但上月中去過一次之後，真係覺得車程太遠，時間又耐，所以都係決定買返海洋公園算了~

由於舊卡到咗期未夠一個月，所以可以用 85 折續卡，於是我哋就係今日入來讀卡，承惠 $1632，嚟一年我哋又會成日入來玩喇!~

我哋大約1:30PM 就到咗，先係門外 counter 續卡，就可以入場喇!~

二零一四年十月十一日      星期六

今日早咗 5 分鐘到達，因為未夠鐘，所以唔可以入課室住，要係 Sofa 等一陣先比入去~

準時 1:30PM 就可以入去，先來 15 分鐘的 warm-up time~

二零一四年十月五日     星期日

受到唔同顏色絲帶活動的影響，平時去開的地方，都係唔去好 d，所以就揀咗去近近地，又多嘢行的九龍灣，我哋先去了 Megabox 行街，岩岩果度有 Halloween  的佈置影相，所以我哋又影埋一份~

彤彤見到咁多 Halloween 的公仔，唔驚不特止，仲想四圍行四圍摸，比 Daddy 抱起眉相就扮晒嘢，喊到好慘咁~ (近呢 2 星期開始成日扮喊 / 扭計，以求達到佢想要的嘢，咁樣唔得嫁，真係要教下佢先得)

二零一四年十月四日      星期六

去完澳門返來幾日，個人都仲係有點累，所以今日只係帶彤彤返 Playgroup 就算，唔打算再去行街~

今日早咗 15 分鐘到達，因為未夠鐘，所以唔可以入課室住，要係 Sofa 等一陣先比入去~

準時 1:30PM 就可以入去，先來 15 分鐘的 warm-up time~

二零一四年九月廿八日     星期日

星期天的下午，諗唔到去邊好，所以就揀咗行近近地又多嘢行的太古廣場喇!~

先去馬莎，睇下有無減價先，有就有，不過唔算太平，同埋都無彤彤出年著的碼，所以都無收穫~

二零一四年九月廿七日      星期六

早 2 星期，已經幫彤彤同 Playgroup 果邊請定假，27/9 唔可以返 Playgroup，因為今日早上，我哋要去 4 個唔同的地方交幼稚園的申請表~

其實踏入 8 月中開始，陸陸續續都彤彤申請咗超過 20 間幼稚園，有屋企附近的屋村幼稚園，又有九龍塘的幼稚園，我都問過自己，駛唔駛報咁多間呢? 但一諗到如果無學校收彤彤咁點算呢? 因為彤彤係龍年出世，仲要係細囡，龍年競爭大，加上細囡的表現實無大 B 的表現咁好，真係有可能無學校收嫁 wor，所以有理無理，只要係有口碑，又唔太貴的 (我哋可負擔起的)，都會考慮幫彤彤申請~

結果今個星期六，因為要就星期六交表，所以 4 間迦南都係同日遞交，我就同老公兵分兩路，各去 2 間迦南交表，之後再係黃埔會合~

二零一四年九月廿一日      星期日

生日月的慶祝活動一浪接一浪，今日我哋決定帶彤彤去 Disneyland，一早就出去觀塘的工聯會買定入場卷先，之後再即刻搭 MTR 去 Disneyland!~ 

搭咗大約個半鐘，大約 12:00 我哋就嚟到 Disneyland 喇!~

二零一四九月廿日      星期六

今日係第三堂喇，但我哋又遲少少出門口，攪到大約 1:35pm 先到達，好彩入到去課室仲未開始，只係岩岩開始 warm-up time~

二雲一四年九月十九日     星期五

今日係老公嘅正日生日，首先祝老公生日快樂，身體健康，天天開心，仲有就係快 d 搵到份好工 (佢今日比公司裁員@@)~

今日因為要陪我媽去覆診，所以我就放了一日假，而彤彤就交比公公照顧，老公就返埋今日，之後就失業了~

覆完診後，我先去買了個蛋糕回家，再沖埋涼先~

二零一四年十六日     星期二

今日係老公的舊曆生日，首先祝老公生日快樂，身體健康，天天開心~

適逢老公舊曆生日，所以奶奶叫咗我哋返去食飯，順便同老公慶祝下~

唱完生日歌，有人好心急想食蛋糕 lor~