Sharon & Victor & Tung Tung 幸福之家

自從係 BB 展買奶粉，送咗個帳幕，我哋又買咗 100 個彩色波波之後，彤彤而家日日都會係公公婆婆家中玩波波池，有時仲會要求公公婆婆陪佢玩抱波波添~

除此之外，公公婆婆話佢有時仲會走咗入帳幕入面，係佢個小天地度瞓下休息下，睇來佢真係幾鍾意呢個玩意 wor~

二零一四年八月三日     星期日

尋日行完 BB Expo，買咗好多嘢，成個人散晒咁，所以今日都瞓到成 11 點先起身~

之後就出去食 lunch，再搭 MTR 去又一城影下加菲貓，其實之前都想影好耐嫁喇，但都無時間去，所以見今日得閒就去啦~

二零一四年八月二日      星期六

今年嘅 BB Expo ，早一日已經係 Baby Kingdom 到收晒料，知道今年勁多人，特別係 B6，又知道有邊 d 係必拎的贈品，同埋奶粉商送乜嘢玩具等等~

所以今年無帶彤彤一齊去，因為知道有好多嘢要拎，所以決定放低彤彤係公公婆婆家中，而我就一早向會展進發，老公因為要返學，所以下午才入來會合我~

我大約九點四就到會展，距離可以入內仲有40分鐘，估唔已經有成兩百人以上係度等入場，所以我都排埋一份，好彩我有帶定私家櫈可以坐下，唔係就白白要企 40 分鐘喇~

二零一四年八月一日     星期五

近排彤彤對筆呢樣嘢好有興趣，只要見到一條長條形的嘢，就會拎上手玩，之後就會拎住係平面上劃來劃去~

咁岩今日帶埋彤彤出街食飯，比佢見到有枝鉛筆，佢係都要拎來玩，連電話播緊片都唔睇，所以就比佢係張餐紙上劃下啦~

二零一四年七月廿七日     星期日

距離上次去游水都隔了一個月了，見今日諗唔到去邊，就一於去游下水啦，今次都係去返屋企附近的泳池~

點知去了更衣室，我同老公都換好衫，正想幫彤彤換衫時，我先發現，我樣樣嘢都有拎齊，就係唔記得咗拎彤彤件泳衣，但無理由出返閘返屋企拎，之後又要再入過閘嫁?

所以唯有同彤彤著住條游水片片，再加一件底衫仔，就坐上水泡去游水喇!~

今次游咗個半鐘度，上水時，今次彤彤無扭計，仲好乖咁同泳池 Bye Bye 添，叻叻!~

二零一四年七月廿六日     星期六

今日係 last 一堂了，但我哋暫時唔打算再買堂住，一來覺得學嘅嘢好似分別唔大，二來又想試下其他 Playgroup，三來8 月份的星期六老公要返學，我唔想自己一個帶彤彤返 Playgroup 咁辛苦，所以都係休息返一個月先算~

今日如常地 2:30pm 就到達，先來 15 分鐘的 warm-up time ，之後就開始上堂了~

今日唱了的歌有：Hello Hello Song, Good Afternoon Song, Where is pointer, How's the weather, ABC Song, Row Row Row the boat, Byebye Song, etc.

另外今日 Mr. Daniel  教小朋友唔同的形狀，同埋顏色，仲有得玩 Playdoh 添~

二零一四年七月廿日      星期日

之前一日去咗書展，回家沖涼洗頭後，攪到差唔多 1 點有多才睡，所以今日都差唔多 11 點先起床，但其實我仲未瞓醒的，只係比一隻爛瞓的豬仔迫埋來，攪到我差點碌落床@@

等彤彤都起埋床，我哋就出街了，今日去了青衣城，因為老公想去睇下 d 變形金鋼，所以我哋就陪佢去睇喇~

人整我又整，最重要係唔駛錢，仲直接寄到府上，真正唔駛出門都可以晒相~

 

二零一四年七月十九日     星期六

返完 Playgroup，我哋就搭車過灣仔，向書展進發喇!~

點知去到灣仔 MTR 已經勁塞人了，之後好辛苦先迫到上天橋，行到一半已經見到有人排緊隊，心諗唔係掛, 呢度已經要排隊?!

好彩行前少少，有警察叔叔見到我哋推住 BB 車，就叫我哋行過佢果邊，佢開閘比我哋行特別通道，我哋都要差唔多 15-20 分鐘先迫到去場~

後來聽返朋友仔講，原來佢哋要係露天的地方，排個半至兩個鐘先入到場，好彩我哋帶埋彤彤先唔駛排咋~

二零一四年七月十九日     星期六

今日又係返 Playgroup，今日遲咗 5 分鐘來到，但好彩仲未開始上堂~

先來 15 分鐘的 warm-up time，之後就上堂了~

今日唱咗嘅歌仔有：Good Afternoon Song, Hello Hello Song, Days of the week, How's the weather, Row, Row, Row the boat, ABC Song, etc.,

另外，今日又教咗唔同大小的海上交通工具的名稱，同埋做小手工 -- 畫一幅畫再貼 d 船上去~

二零一四年七月十二日     星期六

今日又係返 Playgroup，今日早咗少少來到，所以要係課室外等一陣~

先來 15 分鐘的 warm-up time，之後就上堂了~

今日唱咗嘅歌仔有：Good Afternoon Song, Hello Hello Song, Days of the week, How's the weather, Head, Shoulder, Knee and Toes, Driving Around, etc.,

另外，今日又教咗唔同交通工具的名稱，同埋做小手工 -- 整一架紙飛機~

二零一四年七月十日      星期四

話咁快，彤彤今日就 20 個月大喇~

今日無乜同佢去街慶祝，只係响東海堂買咗件蛋糕比彤彤食就當慶祝咗~

之後都係陪彤彤係床上玩咗陣，見佢又唔係咁眼瞓，又成日走來攪我部電話，所以就用部電話影下佢，扮下佢自拍，彤彤都不知玩得幾開心~

二零一四年七月六日     星期日

由於有免費飛的關係，所以今日一早就起床，搭個半鐘要車入亞洲國際博覽館，我哋大約 12:30PM 就到了~

二零一四年七月五日     星期六

由於出門前有小小阻滯，所以我先帶彤彤返 Playgroup，今日我哋好準時來到 Kiddo Zone，但彤彤唔肯入課室，仲係咁要行去門口想出返去，好彩 Daddy 遲我哋 10 分鐘度就到，彤彤先定返少少~

今日又係先來 15 分鐘的 Warm-up 時間，之後就正式上堂喇~

二零一四年七月二月     星期三

今晚放工後，就返我父母家接彤彤，之後就一齊去老爺奶奶家食飯~

食飽飯後，彤彤就係度玩，又拎晒嫲嫲 d 嘢出來，攪到一地都係嘢~

二零一四年七月二日     星期三

之前係牛欄牌的網登記咗，今日收到喇，多謝牛欄牌！~

二零一四年七月一日     星期二

七一唔係去遊行，而係留在家中為我部手機 backup，之後再出去買新手機，點解?

因為部手機 (LG G2) 比彤彤整壞咗個 Mon，唔換唔得 (因為個 Mon 係咁跳跳下)，呢部手機亦成為我用手機以來，最快要換機的一部~

用開原先部 G2，其實覺得都幾好用，所以都打算買返 LG 的手機，上網睇下 LG 有乜新機出咗，原來 G3 出咗幾日咋，而且功能上比 G2 提升咗，特別係影相方面，所以就決定買呢部手機了，希望呢部 G3 會耐用 d 啦~

二零一四年六月廿九日     星期日

好熱的一天，今日為咗新的鯊魚館而入來，但睇完之後，覺得有點不外如是~

今日勁多人，多到個個館都要排隊，連睇企鵝都要排咗一陣先可以入場(平時係唔排隊的)，排海洋列車時，多人到我哋以為係排隊過關，Oh my god!~

彤彤真係好鍾意睇 d 企鵝游水同埋跳落水，成日都睇到嘩嘩聲，又笑到咔咔聲~

二零一四年六月廿八日     星期六

上完 Playgroup，又未夠鐘去下個站，所以我哋就過咗去希慎廣場行下街先，先行下 Gap ，再行埋誠品，之後就去 Food Court 食甜品~

老公去買嘢食，我同彤彤就玩下自拍先~

自拍咗一陣，老公就買咗嘢食回來了，Yummy~

二零一四年六月廿八日     星期六

由於有免費門票的關係，所以我哋就係返 Playgroup 前提早少少過灣仔，行下家居博覽~

會場都算大的，但攤位得好少，同埋都係賣 d 高檔嘢，所以行咗大半個鐘就已經行完，之後我哋就過返 CWB，行下 Zara，因為做緊減價，睇下有無嘢岩彤彤~

行咗一圈，都唔覺平好多，同埋又唔係太靚，所以都無買到嘢，反而彤彤自己係咁係度揀衫，ha ha.....