Sharon & Victor & Tung Tung 幸福之家

二零一四年七月六日     星期日

由於有免費飛的關係，所以今日一早就起床，搭個半鐘要車入亞洲國際博覽館，我哋大約 12:30PM 就到了~

先去熱門的 booth 排隊拎籌(當時只得「水母工作坊」排緊，其他都未開始派/排)，之後係場內行一轉先，再上樓上果層食 buffet ($148 + 10% 一位，有探索大自然遊學園2014的門票，就每位減 $10，3歲以下唔駛錢)，食物的種類唔多，但都可以算係食得飽的，彤彤就食咗好多蛋糕，又食咗 2 個迷你蛋撻仔~

食飽之後，我同老公就分頭行事，我帶彤彤玩「水母工作坊」，老公就排隊拎 「DIY 安滿小熊」的籌~

之後就帶彤彤去玩咗「執雞蛋」game~

又玩咗一個充氣 game ，彤彤玩完充氣 game後， 玩到唔肯走，落咗地都想爬返上去玩，比我哋抱走時，喊到收唔到聲呀~

氹返佢之後，我哋唔敢再比佢玩其他果 d 充氣 game, 費事佢又喊過,ha ha......之後彤彤就攰晒要瞓教了~

所以「DIY 安滿小熊」係由我孭住瞓咗的彤彤來 DIY 出來的，玩埋呢個活動，我哋再行埋其他未行的地方就回家了~