Sharon & Victor & Tung Tung 幸福之家

二零一四年十一月廿二日     星期六

今日遲咗 5 分鐘先來到 Bizzi Kids，今日係最後一堂了，因為彤彤已經開始返 N 班，所以都唔打算再比佢返 Saturday Playgroup 喇，因為一星期返 6 日學都幾辛苦嫁~

先來 10 分鐘的 warm-up time，之後就正式上堂喇!~

二零一四年十一月廿二日      星期六

今日又要去見 2 間幼稚園，彤彤今朝起床後心情好靚，係咁捉住我陪佢跳舞，又成日笑笑口咁~

二零一四年十一月廿一日     星期五

今晚放咗半日假陪婆婆覆初診，之後就同老公會合，帶埋彤彤去 Megabox 行街~

因為 Aeon 做緊吉日，所以特登過來 shopping 下，同埋公公婆婆話彤彤對返學鞋有少少緊，叫我幫佢買過對大 d 嘅，所以就去 Aeon 睇下啦，點知問咗幾對都無彤彤個碼，空手而回添~

買唔到嘢，就行下街同影下相算數~

二零一四年十一月十六日      星期日

今日有少少攰，又諗唔到去邊好，所以就揀咗港鐵沿線嘅樂富廣場，因為果度有 Disney 卡通人物嘅聖誕佈置~

但今日實在係好熱，仲要係好曬，所以我哋好快手咁影完相，就返入室內了~

二零一四年十一月十五日     星期六

拎完回鄉証，我哋又係荃灣行下街先，呢個時候彤彤就瞓咗一陣~

大約行咗個半鐘，彤彤就瞓醒了，所以就同佢一齊係 CityWalk 影下相先~

二零一四年十一月十五日     星期六

上完堂之後，我哋就返咗去愉景新城果邊食個 Tea 先，再去影下相，因為果度有我兒時嘅卡通片主角 -- 飄零燕~

去到先知，原來果度有一個 Aear 係要排隊唔比入去影的，仲可以借埋飄零燕嘅服飾比你影相添，不過影完相就要 upload 一張相去商場嘅 FB~

二零一四年十一月十五日      星期六

今日出席完 2 間幼稚園嘅面試，就即刻趕返去荃灣返 Playgroup，所以都遲咗少少先到達~

先來 10 分鐘的 warm-up time，之後就正式上堂喇!~

二零一四年十一月十五日     星期六

今日嘅第二站係响油塘，呢間係一間分校來的 -- 基督教中心幼稚園 (油塘)，總校係九龍塘，係一間幾出名嘅學卷學校，而油塘呢間分校，只係開了 2 年嘅時間，所有嘢都好新淨嫁~

初初唔知學校嘅確實位置，有少少難搵，仲行多咗好多路，後來再周圍行下，先知原來係商場嘅平台上，再跟指示行，先知原來係我姨屋企樓下~

入到去先報到，跟住就可以係 Playground 度玩，等候老師叫名入課室面試，估唔到好多人係度等緊~

個 Playground 係室內的，好大好多嘢玩，所以就算等咗差唔多 45 分鐘先可以入去面試，都唔算好悶，彤彤仲玩得好開心添~

二零一四年十一月十五日     星期六

今日又係星期六，又係面試日喇，今朝有 2 個面試要出席，之後就再返 Playgroup~

今朝出門口時有少少阻滯，所以旔咗 5 分鐘先到達 - 藍田靈糧堂幼稚園，好彩都比我哋入~

去到學校先係報到，再等叫名入等候課室，之後就係課室度玩玩具~

大約等咗 15 分鐘度，就有老師叫彤彤出去拎 Label，再玩多 5 分鐘度，就可以排隊去面試嘅課室，原先有 10 位小朋友的，暫時要分為 2 組，分別去唔同嘅課室面試~

二零一四年十一月十四日     星期五

今晚放工，就接埋彤彤出街食飯，之後就去買彤彤份兩歲生日禮物 - Lenovo Yoga Tablet 2~

點解要買呢部機? 因為平時同彤彤出街食飯，佢成日都坐唔定，又成日攪住晒我哋，唯有比巧虎佢睇，佢先會坐得定少少~

平時同開我部手機比佢睇，但手機個 MON 始終比較細，有時彤彤會靠埋去睇，咁樣好壞眼啦，我哋又唔想拎部 iPad 出街，因為太重了，所以就 trade-in 咗部 iPad with Retina Display ($1750)，再買咗呢部 Lenovo Yoga Tablet 2 ($2799)~