Sharon & Victor & Tung Tung 幸福之家

二零一四年十六日     星期二

今日係老公的舊曆生日，首先祝老公生日快樂，身體健康，天天開心~

適逢老公舊曆生日，所以奶奶叫咗我哋返去食飯，順便同老公慶祝下~

唱完生日歌，有人好心急想食蛋糕 lor~

二零一四年九月十四日     星期日

今日諗唔到去邊好，所以近近地去 Popcorn 行下就算，順便可以買埋尿片~

先去 Baby 反斗城，可以比彤彤玩下玩具，之後就去行下街，就返去公公婆婆家食飯了~

二零一四年九月十三日     星期六

今日係第二堂喇，但我哋遲少少出門口，攪到大約 1:40pm 先到達，好彩入到去課室仲未開始，只係 warm-up time 的尾聲~

Warm-up 完之後，就正式上堂，Ms Shona 先來自己介紹，之後就一齊唱 Good Afternoon Song, Hello Hello Song, Days of the Week, How's the weather, Round and Round the Garden like a Teddy Bear, Row Row Row the boat, ABC Song 等，之後 Ms Shona 就拎咗 d 水果 Flash Card 出來，教小朋友一齊數下有幾多個，同埋有乜顏色，之後就分為兩組，一組做 Art Works 用米來痴一個字母出來，另一組就玩 PlayDoh，之後再交換來玩~

呢排度度都減價，所以又買咗好多嘢，真係大出血呀!~

Sogo 大減價，買咗一個 750ml ($349) + 2 個杯 ($159)，送了 2 個卡通人物杯~

Aeon 特價磁石貼書 ($28)~

Aeon 特價貼紙書 ($23.6)~

二零一四年九月八日     星期一

今日放工後就即回家接彤彤，之後就過去老爺奶奶家做節食飯，所以都無時間帶彤彤去玩燈籠~

二零一四年九月九日     星期二

今日放假，無乜事做，就陪彤彤係家中玩下燈籠，彤彤聽到 d 音樂仲係度跳舞添~

二零一四年九月七日      星期日

今日成日都天陰陰，所以都無乜 mood 想出街，同埋成日都想瞓下，朝早都已經成 11 點先起床，究竟係 1 點的時間，我見彤彤瞓咗，我又跟埋佢瞓，結果一齊瞓咗 3 個鐘晏教@@

瞓醒教見無雨落，就同彤彤一齊出街行下，順便去食埋晚飯~

由於驚落雨，我哋都係去近近地的地方就算，所以揀咗去德福~

近排同彤彤一齊影自拍照，佢一見到手機中的自己，就好鍾意呀大嘴係度笑，都唔知點解會咁@@

二零一四年九月六日      星期六

今日的行程真係好緊密，話咁快我哋就由荃灣來咗銅鑼灣喇，先去行下街先，之後就等位食飯~

食飽飽後，我哋就向維園進發~

彤彤見到咁多大的花燈好開心，係咁係度叫：「嘩..... 嘩..... 嘩 .....」

二零一四年九月六日     星期六

返完 Playgroup 後，我哋又過咗去愉景新城食 Tea，之後就同彤彤一齊影下愉快動物餅佈置。

其實之前一直想影，但就唔岩時間去影，今日見有時間就去影下啦，因為都就快會拆走喇!~

彤彤今日好開心呀，好 Hyper 呀，所以影出來的相，全部都好滿意呀~

二零一四年九月六日     星期六

今日係第一堂正式上堂，我哋大約 1:15pm 就到達，所以要等一陣先可以入課室~

到咗 1:30pm，就比小朋友入課室，先來 15 分鐘 warm-up 時間，小朋友各自各玩，唔太多交流，所以我同彤彤過咗去枱仔果邊玩~

二零一四年九月五日     星期五

又到星期五，又係帶彤彤出夜街的日子，所以一放工就返我父母家接彤彤，之後我哋就去了 APM 食飯，食飯後就行下街街，再影埋花燈就回家了~