Sharon & Victor & Tung Tung 幸福之家

好 down 呀， Federer 輸了 ~ 心理壓力太大，輸比自己!!

我估今晚我會傷心多一次啦，因為我估車仔會輸比利記~

我個 girdle 終於都有得攞喇~

尋日去了試身，個杯位 2 邊有 d 鬆，唔夠貼身，所以要車窄佢，係結婚前可以再改多一次~

終於都可以去 book 影相喇~

尋晚因為要去老公仔屋企食飯，所以未睇晒 Federer 對 Roddick 的賽事，就熄機趕去了  ~

我走的時候，Federer 已經羸了 2 盤，第 3 盤打到 3:3~

第一盤，Federer 的 form 都好 fit 下，好輕易就球了 Roddick 的發球局~

但第二盤已經有 d 困難了，要去到第 11 局先球到 Roddick 的發球局~

第三盤同第二如出一轍，又係去到第 11 局先球到 Roddick 的發球局~

由於尋晚要去拜年，所以冇留係屋企收睇 Federer 對 Del Potro 呢場波的前段，我去到親戚的家裡的時候，已經打完第一盤了，之後我即刻係親戚的家裡上網睇第 2、3盤，亦都親眼見証 King Roger 的回歸~

最終 Federer 以 6:3、6:0、6:0 橫掃對手，以一場淋漓盡致的勝利，強勢殺入 4 強，係 4 強將會面對美國的羅迪克，希望順順利利呢 ~ 加油呀 !!

講番尋晚場波先，我相信賽前冇人會估到，呢場波 Del Potro 會遭血洗，連吞 2 盤蛋~

首先，Del Potro 近排的狀態真係好好，係踏入 2009 年同澳網之前，係未輸過的，而且亦都見到佢呢一年間有好大的進步，所以賽前，作為 Federer Fans 的我，都有為 Federer 擔心，始終上一輪要咁辛苦先涉險過關，狀況好似麻麻咁，而且打完 5 盤大戰，隔日又要打比賽，都唔知體力恢唔恢復得到 ~

點知，Del Potro 係第 2 盤波一開始就比 Federer 破了發球局，好似開始有 d 散散地咁，而相反 Federer 就越打越好，回波的角度又刁鑽，令到 Del Potro 想救都救唔到 ~

賽前冇人會估計得到，Federer 係澳網的第四輪，會比對手迫到要打 5 盤大戰，亦都冇人估到 Federer 會連輸 2 盤比對手，而今日呢個對手就係係 2004 年奧運會的第一輪，將 Federer 踢出局的那個人 ~

經過 2004 年奧運會的一戰之後，Federer 對陣呢位捷克人 - 貝迪冶，再沒有輸過，但今日的比賽，差 d 將作為 fans 的我嚇了一跳 ~

第一盤波輸 6:4，完全係因為自身慢熱的問題，一上來的被對手連破 2 次發球局，而且對手打的淑，落點非常狠毒，而且並打出好多高難度的波，所以輸呢一盤波亦算合理 ~

而第二盤波，一開始已經破了對方的發球局，但係自已隨後的發球局，竟然即刻比對手回破，就真係怪不得人啦 ~

之後大家都各自保到自己的發球局，比賽進入 tie-break 階段，係打 tie-break 的時候，又成日都唔集中，係自己發球的時候，又好輕易咁失分，所以又輸多一盤 7:6 (細分 7:4)~

曾經的一對勢均力敵的對手，曾經的一場史詩式澳綱半決賽的當事人，一對巡迴賽的好對手、好朋友，佢哋就係 Federer 同 Safin ~

呢對老對手的對碰，今次唔係發生係澳網的四強或決賽，而係係第 3 輪，只為爭奪一個 16 強的席位~

呢場比賽睇得出大家都想羸，但始終都係 Federer 技勝一籌，羸得最後的勝利 ~

其實全場比賽，都係係 Federer 的控制之下，呢賽比賽，Safin 沒有拿到過那怕一次的 break point ，可想而知，Federer 一 d 都冇手下留情 !!

其實頭 2 盤波，Federer 羸得好輕鬆，但第三盤波，Safin 突然提升狀態，頑強保住自已的發球局，比賽被拖到去 Tie break ，係 Tie break 的時候，仲發生了一 d 爭議性的判罰，當時司線裁判竟然判了 Safin 一個腳誤，令到 Federer 以 4:1 遙遙領先，呢個判罰當然令到 Safin 非常憤怒，亦都激發起 Safin 的強力反彈，連破了 2 次 Federer 的發球，將比分反超成 5:4，好彩 Federer 連保 2 個自己的發球分，去到 Match point 6:5，並且係第一個 Match point 的時候，就以一個難度極高的反手 passing shot，拿下全場比賽最後一分之後，Federer 當狠狠地握了握拳頭，發洩了一下當時的緊張情緒~

護腕、毛巾、備用毛巾……將身邊所有能扔的一切都送給了身後看台上的球迷，然後高舉自己的右手，在 Rod Laver Arena 全場球迷的歡呼聲中帶著笑容離場，有“沙皇”之稱的 Safin，尋晚表現得像個勝利者，即使佢在一場澳網男單第三輪的較量中，以0:3輸給了 Federer，佢仍然羸得了屬於自己的掌聲，結束了自己2009年的澳網之旅。

盡管在雙方係之前的11次交鋒中，Federer 以9:2處于絕對領先優勢，但是2005年那場經典的澳網男單半決賽，早已注定了 Federer 和 Safin 的每一次相遇都將成為舉世矚目的焦點。

雖然曾經年少氣盛的沙皇不見了，但尋晚的比賽，我哋仍然可以係比賽中看到了有人摔拍子，看到了有人在球場上不停地咆哮，看到了有人在憤怒之後爆發出來的驚人力量，而這些都是昔日的“沙皇”在我們腦海中留下的深刻印記~

Safin 唔好咁快退休呀，我相信你那位相識於微時的朋友 - Federer ，仲好想同你再打比賽，帶比網球迷一場場的經對碰嫁 ~

今日 lunch 的時候，係公司上網睇了 Federer 係第 2 圈的賽事，今日 Federer 比到個好好的感覺比我 ~

我覺得佢個 form 好似返咗來咁，今日的 unforce error 好少，好似得 12-13 次咁上下，而且 ace 波好似有成 8-9 個，但 double fault 仍然偏多，有成 5 次 ~

另外，今日見到有幾次，Federer 好似打表現賽咁，係到逗對手玩，好似心情唔錯 wor ~

唔知係對手弱定還是佢的 form 操返起呢 ? 希望係後者啦，因為下一 round 的對手係 safin 呀，呢排 safin 的 form 好似都幾 fit 咁，真係有 d 擔心  Federer 呀 ~ 加油呀 ~

去年的上海大師杯開賽前，Federer 與晏紫參加了某汽車品牌在上海的廣告拍攝，而在今年的澳網開賽後，這則廣告在墨爾本賽場的周邊和電視轉播間隙大批量出現。雖然晏紫的戰績並不十分出色，此次還被當在澳網正賽之外，但晏紫姣好的外貌和清純健康的形象依然吸引不少的廣告商。

　　由于邀請到兩位頂尖的運動員，廣告的制作單位還擺出了明星級的接待規格，不但派出個人專屬保姆車、保安衛隊，出入還有警車開道，場面極其隆重。

尋晚 Federer 的表現，又一次令人失望!!!

第一局尚算 ok，但第 2、3 局就真係麻麻了 ~

多次把握唔到 break-point，而且 double fault 成 5 次咁多，一發又成日失準， Unforce Error 都有成 42 次，d 數據真係差差地 ~

睇呢近幾場波，感覺佢的體能好似只可以維持到一局咁，次次去到第二局就開始打得辛苦咁 ~

今次的對手，實力唔算太強，都要辛辛苦苦先可以嬴到第 2、3 局，如果之後的對手，實力再強 d，我就有 d 擔心，佢會唔會出局 ~