Sharon & Victor & Tung Tung 幸福之家

二零一三年十月五日     星期六

今日一早出咗去九龍灣，因為果邊有間幾有口碑嘅幼兒園接受申請，所以要早 d 過去排列交表~

去到門口，條人龍唔太長，大約 2-30 個人度，但得一位職員收表，仲要左 check 右 check 嘢，所以都排咗大半個鐘先輪到我哋~

排隊期間，見間學校好似比較舊，同埋 d 職員好似有 d 黑面咁，我覺得佢哋唔太 nice lor~

到我哋時，個職員先講話本地班同國際班要分開報名，佢事前又無講明一份申請表只可揀二選一，咁我又無預備多一份申請表同回郵信封，咁唯有揀揀本地班算~

點知個職員又話，揀本地班，只可以申請上午 / 下午班，唔可以揀晒 2 樣，即時交 2 份申請表都唔得，咁唯有揀下午班啦，因為彤彤係細 b ，下午班又少 d 人報，希望大 d 機會會收嘛~

從以上 2 樣嘢加埋，真係有少少唔太鍾意呢間學校，但既然咁多人話好，又試下 lor，橫掂咁多龍B，度度都要爭學位，報多一間得一間嘛~

之後我哋過咗得寶果邊嘅薩利亞食 Lunch，好多人都話呢間嘢低食，話又平又好食，但成日都唔行開果度，所以即使想試下，都無機會試到，今日見早早地，就去試下啦~

d 嘢食全部都好好味，而且都算幾大碟，食咗上面咁多樣嘢，埋單都只係 $159 咋，真係勁低食，飲品仲要係比 $12 就可以任飲添，真係低到爛呀!~