好耐都無 update 過我個 blog 了，一來呢排掛住睇 Federer 係澳網的比賽，二來係因為懶，同埋結婚後無乜特別事發生，都唔知寫乜好咁~
仲有一樣就係，我覺得結婚後好似仲忙過未結婚前好多咁，婚前我同老公除了週末之外，我哋係 weekdays 都會出 2 日街，一個星期即係有 3 晚會留係家中，做自己鍾意做的嘢~
但結婚後的每個星期，我哋唔係返娘家食飯，就係返奶奶家食飯，有時仲要唔止一次添，仲要又食又拎添~ 
除咗食飯的問題之外，就係家務的問題喇，每晚回家後都要煮飯 (只係煮飯咋，餸同埋湯只係翻熱就得 )，食完飯又要洗碗，又要掃地、拖地同吸塵 (我已經隔日先做一次，我哋除了在家果幾個鐘，平時出了街都唔會開窗的，都唔知點解咁多塵嘅
)，仲要洗衫、"浪"衫同摺衫(好彩老公已經負起洗衫同 "浪" 衫的責任咋 )，真係忙到你唔信呀~
每晚我做完家務之後，已經成 10 點了，根本都無乜時間比我去追電視劇集，而且做完家務之後，個人又攰 wor，都唔想做其他嘢，連上網都無 mood 呀~
所以做完家務之外後，我多數都係响 sofa hea 下，又或者係直接去搵周生~ 
除咗 weekdays 忙之外，我星期六都好唔得閒嫁，因為為咗考到 CRE 的英文科有 Level 2，所以我就報了一個 CRE 的研習班 (一月份)，逢星期六下午上堂，一連 4 個星期。每個星期都有 homework 要做，所以我就要係 weekdays 的晚上做，唔識的時候就問下老公 (因為佢英文好過我好多啦)~
下個月(三月)，我又報了另一個CRE 的研習班，又係星期六下午上堂的，到時又要忙了~
數完一輪苦之後，講返呢篇 blog 的主題先~
自從我哋收到結婚當日的相之後 (遲少少我再 post 出來喇)，同埋睇過去韓國 honey moon 時影的相 (我哋問人借了部 DSLR)，發現原來一部靚的相機影出來的相，即使係影同一個人，靚的相機影出來的相真係正好多，所以我就決定買返部 DSLR 比自己~(橫掂我部 DC 仔都用咗成 5 年 lor 
)
做咗呢個決定之後，我就開始上網 search 下，入門級的 DSLR 那一部較好，又問下我 d 玩開攝影的 friend 的意見，當然都有問下我姑仔的意見啦 (因為佢都對攝影好有興趣，仲成日同 d 攝影班的人周圍去影相添)~
綜合各人的意見之後，我決定咗買 Canon 500D 作為我的入門機，老公仲送咗個電子防潮箱比我添呀~
買完之後果日，我哋仲去咗赤柱影相，當然老公就做咗我的 model 啦~
留言列表
