Sharon & Victor & Tung Tung 幸福之家

十一月八日 (星期日)

今日約了未來奶奶去買金器，但今朝起身的時候一睇，真係嘩了一聲出來，因為今日的金價又創了新高，飾金牌價為 $10870。我父母買金器比我的時候只係 $9400 咋，當時只係今年的 8 月尾，事隔 2 個多月，竟然貴了 $1470 一兩，真係有無咁貴呀 ?? how come ???

我係屋企食了午飯之後，就同老公仔去了新居執嘢，之後就一齊出去旺角會合未來奶奶(約了下午四點係山東街的周大福門口等)。

大約四點，我同老公仔就好準時咁去到周大福門口，原來未來奶奶同未來姑仔都到了，仲有老公仔的三姨、四姨同四姨丈都係度。

原來今日除了未來奶奶會買金器比我之外，老公仔的三姨都會買 d 金器比我~

我哋一行 7 人，入到去周大福，點知坐無虛席，我哋都要等了一陣先有位坐。估唔到金價咁貴，都仲有咁多人會買金器嘅~

係等位期間四姨就同呢間周大福的分店經理吹下水先，叫黃經理計平 d 手工錢，當然黃經理都無托手肘~

首先我哋就睇龍鳳鈪先，未來奶奶同我講，原先佢想買一對龍鳳鈪同埋一條頸鍊比我的，但因為佢知道我父母已經買了一條頸鍊比我，而老公仔的其中一個舅父都會買頸鍊比我，所以未來奶奶話佢打算買 2 對龍鳳鈪送比我。另外，未來奶奶又同我講，另外果 2 個舅父都應該會買金器比我的，但佢就仲未見過，所以暫時唔知係乜嘢來~

未來奶奶打算買 2 對大約一兩多 d 一對的龍鳳鈪，咁個 sales 就問我，除了呢 2 對龍鳳鈪之外，仲有無其他的龍鳳鈪要帶，我就答返個 sales 起碼仲有 2 對；之後個 sales 又問我，果 2 對有無預鬆到，我就答返佢都有的~

根住個 sales 就拎了幾對龍鳳鈪出來比我哋揀，但因為我的手比較肥，所以要揀 d 大對少少的龍鳳鈪先可以岩我帶 (咁個圈先可以做得大 d)，而未來奶奶都話無問題~

其中有一對龍鳳鈪，望落係好立體的，2 條龍鬚仲有少少突了出來的，而且睇落都好大體 (估唔到呢對龍鳳鈪只係重 1.2x 兩咋)，一見到就已經好鍾意了，所以就即時揀了呢對~

之後就睇多幾對，都無乜岩心水，所以最後揀了一對閃沙款，呢對同我父母送比我的差不多款的，不過就比我父母送果對輕 d d，但都有 1.6x 兩一對的~

之後就睇手鈪了，因為老公仔的三姨打算買一隻大約 $5000 的手鈪送比我，所以就睇下 d 花鈪，個 sales 拎了一隻好傳統的款式比我睇，又拎了 2 隻可以平時都帶到的款式比我睇，我見三姨好似覺得傳統果隻大睇 d 咁，所以我就揀了呢隻啦~

至於四姨同四姨丈就同我講，佢哋早 2 年已經買定了一對龍鳳鈪比我的了，等了我哋結婚好耐啦~ haha.....

買完金器之後，我哋就逐一多謝咁多位長輩，然後就一齊去了佳記食 tea，根住佢哋就各自回家，而我就同老公仔去了旺角中心買鞋，根住就一齊返新居再執下嘢咁 ~

今日真係好開心，估唔到老公仔果邊 d 親戚都有咁多金器送比我，我哋 2 個之前都無諗過，仲以為只係得我果邊 d 親戚送的金器，同埋未來奶奶送的金器咋~