係 7 月份果次的 wedding expo，我哋 join 了金都一間印囍帖的公司，原先我都覺得金都的公司好似唔係咁好，唔係好想 join，但咁岩我同我老公仔都幾鍾意佢哋的帖款，所以都 join 了 ~
上星期，blog 友大眼妹係 MSN 話我知，呢間公司有 d 黑店 feel，叫我跟緊 d 同埋快 d 去攪咗去先，於是我同老公仔就今日過去睇下先~
我哋去到之後，就搵返我哋上次睇中的款出來先，然後就填埋 d 資料，根住就同個 sales 講我哋想點配 d 顏色，我哋主色想要金色，內頁就要香檳色，點知個 sales 話金色要加 $1.4 一張，話因為張紙係厚 d 嘅，仲要係用好差的態度添~ 但我哋 join 的時候，明明話紙的顏色可以任轉唔駛加錢的，根住佢就話，點會任轉 wor，如果係的話，呢到 d 帖就唔會有唔同價錢啦~ (簡直係臭串呀!!!!! 
)
老公仔覺我金色靚 d，所以想照加錢，但我堅持唔肯，覺得佢哋擺明屈錢，所以最後我哋唔用金色，用返紅色算數 ~ (呢個唔係一百幾十的問題，而係我唔鍾意比人明屈 lor)
好啦，到個信封，我哋了一隻紅色的信封，有個 "囍" 字的暗花的，個 sales 問我哋要唔要加上 "送呈" 的字眼，咁我哋就話要埋啦，點知原來要加錢嫁，又比佢屈多 $100 (之前又無講過 wor)~
根住到揀張帖的字體，個 sales 同我講，中文字得 2 隻字體，但我明明見到佢 d sample 有其他的宇體的，但佢就係咁話得 2 隻，無其他，所以我就即係搵佢 d sample，結果又比我搵返我想要的宇體出來，根住佢先話有呢隻未體。我嬲起上來，就串鬼佢，用呢隻字體唔駛加錢呀呵，佢就死死地氣話唔駛~
根住我哋就揀佢哋送的利是封，正如 blog 友所講一樣，只得幾包係到，個 sales 仲話係得咁多，唔知會唔會返貨，所以我哋揀了 2 款叫做好 d 嘅~
另外，果 d 貼紙又係，個 sales 比了一張有問題的比我，好彩我有逐張 check 下，唔係都唔知~
而家約了 3/9 去睇初犒，無問題就果日比埋尾數，一個月後就有制成品，但 blog 友再次提醒我，一定要睇清楚個初犒，因為佢哋可能會掉亂了別人的 design的，所以到時一定要 check 清楚~
係到要多謝 blog 友大眼妹的提醒，唔係我哋仲諗住慢慢先去攪呢 part，到時時間緊迫都唔知點算好了 ~
留言列表
