Sharon & Victor & Tung Tung 幸福之家

今日等老公仔放學之後，就同埋老公仔一家人(未來老爺、未來奶奶同佢 2 個妹) 去元朗愛華試衫~

原先 book 了 4:00pm 試衫的，但我哋早到咗，大約 3:30pm 就到了，因為之前的客人仲未試完，所以都要等一陣先有得試~

先試了我的晚裝，除了上次 hold 起咗果 2 件之外，今次就再試多咗幾件，但都好似唔夠之前果 2 件咁好，所以最後都係 confirm 先返上次果 2 件了 ~

根住就到老公仔揀禮服，揀咗一套銀灰色的禮服，另一套是白色的禮服~

但白色禮服竟然唔係配白色褲，只係配黑色褲，如果要配白色褲就要加 $200，咁不如去買一條新的好過，所以我哋決定唔加錢住了，遲 d 出去睇下先再決定 ~

輪到未來奶奶試衫，由於佢比較豐滿，所以比較少款可以揀，但最後都揀到件合心水的暗紅色絲絨長衫 ~

之後 sales 姐姐就 sell 未來奶奶買一對金色的鞋，開價 $299，但其他呢 d 款係廣州只係賣 RMB45，所以我就叫未來奶奶唔好係到買，金都 / 旺角中心應該 $200 樓下就有得賣 ~

然後就到 2 位未來姑仔，佢 2 個都揀了粉橙色的姊妹裙，試上身都好滿意，所以又 confirm 埋 ~

由於我哋之前只係 join 了 6 件衫的 package，而家 total 有 7 件衫，所以要補多 $500 度 ~

另外，由於唔想過多來一次，所拎衫果日先 final fit，到時又要全部人一齊過去，會等得耐少少先可以拎衫 ~

揀晒衫都差唔多 6:00pm 了，我哋就去咗食飯~

食包飯之後，行去巴士站途中，見到有間鞋鋪，有頭先 sales 姐姐 sell 果對金色鞋賣，仲要只係 $139 咋，所以我哋即刻係度買啦，平了 $150 有多 wor~

男家那邊 d 衫都大致上安排好了，只係差未來老爺未去做西裝，佢話搵日自己去睇下 wor ~

至於女家方面，我媽咪唔想著 d 奶奶衫，佢話太閃好似做 show 咁 wor，所以要同佢去買 d 套裝；而老豆就要去做西裝，不過佢話遲少少先，唔駛咁急住 wor~

禮服呢個 item 大致上完成，可以煩少一樣嘢啦 ~

Big Day 果日的衫就以下面呢幾件：