Sharon & Victor & Tung Tung 幸福之家

根住我哋搭地鐵去咗市二宮站，再戰婚紗街 ~

今次再戰婚紗街的主要目的係想造一件晚裝 / 一件婚紗的，因為之前一日係江南大道那邊睇唔啱，所以今日去咗婚紗街內的百利婚慶廣場睇睇 ~

一入到去，係一樓比呢件紫色晚裝吸引咗我的目光，於是就問下價錢，點知要成 $880，仲要唔包鋼紗同披紗，如果包埋就要 $1000，我覺得 $1000 貴貴地，所以剩係影o左相先，同個老闆講要再諗諗 ~

根住上咗去 3 樓，見到呢件湖水綠晚裝，又好似幾好 wor，因為我本身係好鍾意湖水綠呢個顏色的，再加上個款都好似幾 young 咁，所以入咗去問下價先，一問個老闆娘，佢話 $660，我叫佢平 d ，佢就話 $580 比我，我再問佢包唔包披紗同鋼紗，佢話加多 $20 就包埋比我，所以我就即係比錢啦 ~

其實呢間公司仲有一件 A-Line 款的紫色晚裝我都好鍾意的，係好高貴的款式，但我驚著上身會影得我肥上再肥，所以冇選到，最衰我唔遁得影相啦，唔係可以 post 下出來啦 ~

呢件晚裝大約 1 月20日造好，會 send 來我屋企，運費大約 $30 ~

之後老闆娘仲帶咗我哋去佢分店睇埋婚紗 d 款，但睇唔啱，根住佢又帶我哋去佢個 friend 的店子睇婚紗 d 款，都係唔啱，結果冇買到 ~

之後我哋係 3 樓搵到一間賣男士禮服恤衫的店子，仲買了件禮服恤衫比老公仔，係香港要 $298 才買到，但係呢度只係賣 $35 咋，仲要係同款同牌子添呀 ~

行完婚紗街都成 7:30pm喇，由於我個 friend 之前那一晚冇同我哋去粥城食嘢，而佢又好想去試下，所以我哋就決定再一次粥城 ~

去到粥城大約 8 點度，由於之前一日我哋係坐室內的，今次決定坐係露天茶坐試下另一番風味 ~

感覺上冇之前一晚咁好，但都唔係話差嘅，只係覺得賣相冇咁靚，同埋好似細碟過之前一晚的，可能係星期六的關係掛 ~

大約食到 9:30pm 度，我哋就搭的士番表哥屋企，咁早返到去，悶悶地咁，所以嗰晚大家都洗完澡後，又再次教老公仔打麻雀解解悶 ~

嗰晚仲打到成 3:00am 先瞓添呀~

第三日行程結束 ~