我覺得發明負離子直髮的人真係偉大 ~
由於我係天生曲髮的,而且 d 頭髮又多又粗,所以由細到大都比人笑成個獅子頭咁
直至到 F.3 的時候,媽咪帶了我去拉直 d 頭髮 (電直版),我先至脫離比人笑的命運~
後來大過咗,識得打理 d 頭髮,知道只要洗完頭,只要用把梳梳直來用風筒吹乾,就唔會太難睇,只會比人覺得 d 頭髮厚啫~
後來出來做嘢之後,知道有負離子直髮呢樣嘢,就算貴 (當年要 $1000 做一次) 都要試下,睇下唔係真係咁好先得 ~
做完之後,簡直係好閞心,因為我終於擁有一把長直而又貼服的頭髮了~ 而且可以 keep 到半年唔駛點打理~
不過,有好處,當然就會有壞處啦~ 就係每之做負離子直髮需要的時間係好耐的,以我到半腰的長度計,就大約要坐 5 個鐘 (第一次做的時候用了 6 個半鐘,可能係新技術的關係, d 師夫未夠經驗掛 ~) 同埋唔可以做得太密,要隔 9-12 個月才可以做下一次 ~
就係咁,我擁有一把長直而又貼服的頭髮已經有 7-8 年了,尋日我特登請了半日假,去做了一次負離子直髮,今次 用了 4 個鐘的時間,算快了 ~ 不過而家條腰骨都仲有累 ~ 所以呢,想靚係要付出代價的 !
全站熱搜
留言列表