Sharon & Victor & Tung Tung 幸福之家

二零一四年五月廿四日     星期六

原先傢俬鋪話今日下午 6 點送新果 2 個櫃來的，但等到成 6:30 pm 都未有電話，我哋就打電話去問下，先知原來架貨車仲未過到關，要遲少少先送到來，結果差唔多 8:10PM 先送到來，師傅就砌咗成個鐘，差唔多 9:00PM 先砌好果 2 個櫃~

之後我哋就要清潔一下果 2 個櫃，可能呢排落咗成個星期雨，果櫃入面有好多 C 咗的飛蟻同埋飛蟻翼，同埋都幾大陣油漆味~

清潔完後，我就先去沖涼，老公就去接彤彤返來，之後幫手睇住彤彤，而我就將地上一袋袋的物品放返入櫃入面，老公就 2 點幾瞓咗，彤彤就 3 點幾先瞓，而我就執到 5 點幾先去瞓~

第二朝 10 點幾，彤彤就整醒我，唯有餵奶同換片先，之後再執埋剩返嘅嘢，一執就執到下午 5 點先攪掂晒~

執好晒 d 嘢後，成個廳嘅感覺都唔同晒，即時覺得地方大咗好多咁，放彤彤落地，佢仲周圍走添，睇來佢都好滿意咁 wor~

之後我哋就去了大埔一田行街，睇下有乜減價嘢買，可能我哋比平時晏過到去，好似唔太多人咁，但今次好似唔太多嘢岩駛，玩具部又無乜平嘢執，我哋只係係超市買咗少少嘢就回家了~

二零一四年五月廿八日     星期三

由於廳果 2 枝廳燈，各自都有 2-3 個頭壞了，其實我哋都忍咗一排的了，但見近排好多人都換了風扇燈，所以我哋就心思思都換埋，一來彤彤再攪唔到把風扇，二來我哋個龐無窗的，所以裝唔到冷氣，要靠 2 個房的冷氣吹出來才有少少冷氣，所以夏天都好熱下，如果有把吊扇應該會好好多~

我哋今晚放工就去了土瓜灣睇下 d 風扇燈，最後揀咗下面呢 2 把，埋單連安裝費同埋 3 個 LED 膽，用咗 $3280，由於要無現貨，要等 2-3 星期才訂到回來~

呢把裝係 sofa 果邊，所以要大把少少 (44 寸)~

呢把就裝係飯廳果邊，所以要唔駛咁大把 (26 寸)~