Sharon & Victor & Tung Tung 幸福之家

二零一五年三月七日     星期六

今日係迪士尼銀卡特選週末，當然要把握機會入場玩啦~

其實揀得係銀卡特選週末入場，都預咗一定多人嫁喇，但估唔到真係好多好多人 lor，樣樣嘢都要最少排半個鐘，好彩今日唔算多 b6，大部份都係香港人，所以排隊都好守跌序~

我哋先去排隊玩小飛象，由於我唔可以玩旋轉嘅玩意 (小時候嘅陰影)，所以我就係附近嘅 shop 睇下嘢先，等老公同彤彤就排到，我先返去附近幫佢哋影下相~

第一次坐小飛象嘅彤彤，不單止唔驚，仲玩得好開心，坐完小飛象，仲不斷叫 Elephant 添~

 之後我哋就行過去小小世界，點知要排成 20 分鐘，第一次要等咁耐 lor，但彤彤鍾意玩，無法啦，都係要照排~

 坐到一半，突然固障，停咗差唔多 10 分鐘先可以繼續，我同彤彤又係度玩下自拍先~

由於太多人排隊，所以今日只係玩了一次小小世界，之後諗住去睇米奇金裝音樂劇，點知我哋開場前 20 分鐘到達，都因為太多人，唔比再排隊，連後補位都 Full 晒~

既然無得睇米奇金裝音樂劇，就去睇下有無其他嘢岩彤彤睇啦，見幸會史迪仔係半個鐘後有一場廣東話版，我哋就快手行過去排定隊先~

估唔到彤彤好鍾意睇幸會史迪仔呀，一路睇仲一路笑到咔咔聲添~

睇完幸會史迪仔，我哋又周圍行下，彤彤就話想睇下花花，所以就比佢睇下啦~

之後我哋就去排隊等坐船，大約排咗半個鐘先有得坐，點知彤彤就瞓著咗，唯有抱住佢啦~

 坐完船，彤彤都未瞓醒，我哋就周圍行下，又入去 shop 度睇下嘢先~

到彤彤瞓醒咗，原先諗住去排隊玩 Winnie the Pooh 的，但太多人了，見小飛象唔係好多人，所以就去排隊玩多次小飛象啦~

老公話小飛象唔係轉得好快，叫我試下玩，所以我就一齊排隊玩，大約排咗 20 分鐘就到我哋玩喇~ 

今次由我陪彤彤一齊坐，而老公就坐前面果隻小飛象，自嚟一張自拍先~

雖然小飛象唔算轉得好快，但我諗我嘅童年陰影真係太勁，我 feel 到我都係有小小驚同小小暈暈地，所以我都係唔會再玩喇，下次都係老公同彤彤玩算啦~

坐完會轉嘅小飛象，我哋又去坐下隻唔會轉嘅小飛象先~

之後就去排隊玩 Winnie the Pooh，排咗 45 分鐘先排到我哋，由於人太多關係，要 6 個人坐一架車，所以今次我哋唔可以一家人坐一架車 lu~

玩完 Winnie the Pooh，就去隔離 Frozen 場景影下相先，雖然唔見 2 位主角，都照影下啦~

臨走前，見旋轉木馬無乜人，所以老公又同彤彤去玩埋，之後先離開迪士尼回家~