Sharon & Victor & Tung Tung 幸福之家

二零一五年五月十日     星期日

今日係母親節，但我哋一早就起身出門口，因為要搭免費車入亞洲博覽館，拎返彤彤個背囊~

點知遇著壞車，要等多半個鐘先再有車，所以我哋攪到成 12 點先去到~

拎完背囊後，見都嚟到東涌，今日又係銀卡特選週未，所以就去埋迪士尼玩，由於晚上要返公公婆婆家食飯，所以唔可以玩太耐了~

我哋大約1 點就嚟到，但天氣真係好熱，熱到彤彤都好似呆呆地咁，影相都無乜表情~

好難得呢張有小小笑容~

熱到皺晒眉頭~

之後老公陪彤彤排隊玩小飛象，而我就去 Shopping 下先 (迪士尼會員購物有 6 折優惠)，點知佢哋排排下隊，竟然落大雨，所以老公打電話比我，叫我拎把雨傘比佢哋~

佢哋排咗差唔多半個鐘先有得玩，仲要一路落住雨咁玩，不過彤彤一樣玩得好開心~

之後我哋見仲落緊雨，就去坐小小世界隻船，點知排長龍，排咗半個鐘先有得玩，之前都未試過要排咁耐的~

坐完船，就四圍行下 shopping 下，因為一時又落雨一時又出猛太陽，我哋都費事放彤彤出嚟，等佢坐係 BB 車仲好~

Shopping 完，大約 4:45 我哋就離開迪士尼，返到公公婆婆家都差唔多 6:30 了，之後就幫彤彤沖涼先，再食埋飯，之後就食蛋糕，一嚟慶祝母親節，二嚟今日係彤彤兩歲半喇，所以梗係要食下蛋糕慶祝下啦~

睇下有人好心急想食蛋糕嘅樣~