Sharon & Victor & Tung Tung 幸福之家

二零一五年五月十六日     星期六

今個週未，係國際博物館日，去博物館可以免費入場，所以我哋都帶咗彤彤去唔同嘅博物館趁下熱鬧~

今日我哋揀咗去尖東嘅科學館同埋文化博物館，我哋先去科學館先~

嚟到科學館時，彤彤有小小眼瞓，但當我哋問佢想唔想同其他小朋友一齊玩時，佢即時成個精神晒，仲話要同小朋友玩添，所以我哋就帶佢上去頂層嘅遊戲區玩~

二零一五年五月十六日     星期六

今個週未，係國際博物館日，去博物館可以免費入場，所以我哋都帶咗彤彤去唔同嘅博物館趁下熱鬧~

早上去完 BB 展，我哋就搭車入沙田，去歷史博物館參觀~

呢個博物館嘅重點參觀地方係地下果層，有個比小朋友玩的展館，彤彤係度都玩咗好耐先肯走~

二零一五年五月十六日     星期六

之前拎咗幾張百家寶 BB 展嘅免費飛，點知又 miss 咗網上幫彤彤報名參加「職安夢工場」，所以今日就早少少入場，睇下有無即時報名位~ 

二零一五年五月十日     星期日

今日係母親節，但我哋一早就起身出門口，因為要搭免費車入亞洲博覽館，拎返彤彤個背囊~

點知遇著壞車，要等多半個鐘先再有車，所以我哋攪到成 12 點先去到~

拎完背囊後，見都嚟到東涌，今日又係銀卡特選週未，所以就去埋迪士尼玩，由於晚上要返公公婆婆家食飯，所以唔可以玩太耐了~

我哋大約1 點就嚟到，但天氣真係好熱，熱到彤彤都好似呆呆地咁，影相都無乜表情~

二零一五年五月九日     星期六

正當以為 K1 大作戰，已經隨住第二心儀幼稚園收咗彤彤，又交晒一齊註冊費用及上學期嘅雜費，而圓滿結束嘅時候。 今日收到一封由最心儀嘅幼稚園寄嚟嘅信，令心中又再次泛起了漣漪，呢間學校不單是收了彤彤讀 K1, 仲要 offer 咗一個上午班嘅位比彤彤，呢次真的頭痛了~

但老公經過 2 日嘅討論，都係決定放棄呢個 offer，因為彤彤已經適應咗而家呢間學校，而且每日返學都好開心；另一原因係，註冊費用、上學期嘅雜費同校服，前前後後都差唔多成萬蚊，咁樣轉一轉，又要再洗多筆錢，而且新學校果邊嘅雜費都幾貴下，仲要坐校車添，計落洗費大咗好多；第三方面，雖然新學校學術一定好勁，但佢只係收彤彤讀本地班，唔係國際班，所以唔係最勁果隻，可能比普通學校勁小小，但其實而家讀緊果間，學術都應該幾好，所以左計又計，都係留返係而家果間好 d~

二零一五年五月九日     星期六

今日一早，我哋就過了油塘食早餐，之後就搭免費車去亞洲博覽館，出席一年一度嘅媽媽咪咪嘉年華，今年已經係彤彤第三次嚟喇~

我哋 10 點9 就到達了，但嘉年華要 11 點先開始，我哋就係門外排定隊等拎場刊同埋入場~

二零一五年五月八日     星期五

今晚放工後，返去公公婆婆家接彤彤，我一入門口，彤彤就拎住佢親手做的母親節小手工比我，應該係學校老師同佢一齊做的，第一次收母親節禮物，真係心都甜晒~

二零一五年五月六日    星期三

今晚放工後，就返去公公婆婆家，一齊出去食飯慶祝母親節，一家人簡簡單單食飯慶祝，祝公公婆婆，仲有老公彤彤同埋我自己，身體健康，事事順利，天天開心~

二零一五年五月三日     星期日

其實一早知道又一城果度有個 Tsum Tsum Festival，但一直都唔得閒去影，見今日得閒，就趁佢仲有幾日就完，快手去行下影下相啦~

二零一五年五月二日      星期六

今日見天陰陰，所以都唔去太遠嘅地方，又見幾好風咁，所以就帶彤彤出去尖沙咀海傍，吹下海風~

我哋沿住海傍，慢慢行去星光大道，沿路都好好風，所以即使天氣有點熱，都唔算好辛苦~