Sharon & Victor & Tung Tung 幸福之家

二零一零年四月五日 (星期一)

今日一早就同老公出了門，因為要係荃灣會合奶奶同埋其他親戚，一齊去拜祭老公的阿公~

拜完山後就出返去旺角飲茶，之後就去咗舅父家打麻雀，我就有少少斬獲，但奶奶就做咗輸家~

之後又一齊去食火鍋自動餐，差唔多 12 點先返到屋企~

二零一零年四月六日 (星期二)

今日係復活節假期的最後一日，見好耐都無食過 buffet，所以就同老公去咗九展的豐味閣食 lunch buffet~

環境都算唔錯，食物的選擇都算多，而且賣相都幾好添~

我哋仲由 12:15pm 食到 3:00pm 先走，但點知一離開呢度，諗住上樓上的 petmax 行下，行行下已經覺得好胃好唔妥，心口又好似悶悶地咁，行唔夠 5 分鐘，我就已經想嘔了，即時衝入去 washroom 嘔了，才舒服 d 咋~

原先諗住去行下街的，老公唔比我再行，要我返屋企休息，所以就返咗屋企瞓，由 4:30pm 一路瞓到 9:00pm 先起身，瞓咗一覺先好返咋~

但原來係我瞓的期間，老公都好唔舒服，又係想嘔，但嘔唔出，睇來呢間嘢 d 食物唔係幾乾淨啦~