努力咗成年，終於重奪失落咗 3 年的英超錦標，恭喜車仔~ 
今年的英超冠軍爭奪，真係前所未有咁緊張，要鬥止最後一輪先可以分到勝負~
最後果幾輪，車仔同曼聯的球迷都好緊張，大家都希望對手會失分，重奪爭冠的主導權~
尋晚對韋根的比賽，賽前我都好擔心，因為韋根今季曾經係主場羸咗車仔 3:1，賽前又有費 sir 的推波助瀾，鼓勵韋根力阻車仔；而韋根的隊長米茲洛 (前車仔右閘球員)同領隊又係賽前大打口水杖，話要証明韋根係一支好球隊，會全力擊敗車仔云云~
但真係估唔到最終的結果係 8:0 咁大的比數，仲破埋英超的入球數字同入球數字超過 100球，同時杜奧巴後上，以 3 球力壓朗尼，再一次成為英超的神射手，真係超開心~
仲有呀，今年除咗攻擊力強之外， big 4 的對戰，分別主客場雙殺曼聯、阿仙奴同利物浦，都咪話唔犀利~
不過有樣嘢唔係好明，今年車仔拎晒英超的神射手(杜奧巴)、 助攻王(林伯特)同金手套(施冶)，點解英超的最佳球員 or 足球先生唔係杜奧巴拎 ?? 點解林伯特同施冶唔能夠入選英超最佳 11 人?? 特別係林伯特，今年有 22 球入 & 15 個助攻，唔通咁都唔值得入選嗎 ?? 以中場球講，今年有邊個英超的中場球員可以達到林伯特的入球 & 助攻數字呢 ? Even 前鋒球員都未必有呢個數字啦~ 真係唔明英超賽會係點選呢個所謂的最佳陣容出來嘅 !!!
呢場波都有 d 小趣聞發生咗：
1) 當車仔係開賽第 5 分鐘入波後，另一邊箱的費 sir 知道後，即時 "奏" 晒眉頸~
2) 上半場 2x 分鐘的時候，車仔有一球 12 碼，杜奧巴想爭來射，因為佢想做神射手，但林伯特唔肯比佢射，杜奧巴有少少嬲咁的樣。入波後，林伯特行埋去杜奧巴身邊叫佢冷靜 d，同埋佢好講 "business is business"，杜奧巴明白到林伯特的意思，好快就平靜返~
3) 下半場，車仔領先緊 4:0 的時候，車仔又有一個 12 碼，當時杜奧巴即時拎咗個波，自己行埋去 12 碼點預備射，林伯特亦都識做，沒有同佢爭，讓比佢射~
留言列表
