Sharon & Victor & Tung Tung 幸福之家

二零一零年四月二日 (星期五) 至 二零一零年四月四日 (星期日)

一連五日的復活節 & 清明節假期的第一日，亦都係我 7 年來第一次返鄉下(順德樂從)，隔咗咁耐無返過去，我相信樂從一定變咗好多啦~

不過今次返去鄉下，並不是去玩咁簡單，最主要目的係返去補擺囍酒，因為 daddy 仲有好多親戚係鄉下，我同老公結婚的時候又無邀請佢哋來香港飲，所以就趁住呢個 long vacation 就返去擺返幾圍 lor~

原先諗住搭早船返去的，但我早咗成 2 個星期去買飛都買唔到，最早都係 11:30am，仲要係頭等位先有咋，咁無辨法啦，貴 d 就照買啦~

呢次除咗我父母次外，二叔二嬸都會同我哋一齊返去添~

由於我同老公要係清明果日跟奶奶去拜山，所以我哋同我父母就會係 4 號搭船返香港先，而二叔二嬸就話會玩多幾日先返~

我哋一行六人，11:00am 就已經係中港城會合 & check-in，但結果我哋要等到 12:00pm 先可以登船，因為今日太多加班船的關係，所以我哋將會搭果架船無碼頭可以停泊~

仲有就係，平時我哋搭船由香港返順得港，大約係 110 分鐘就到，但今日好大霧，令到行駛又長咗，差唔多 165 分鐘先到達，差唔多遲咗成個鐘呀!!

最慘就係，當我哋架船到達的時候，竟然落起橫風橫雨，我哋仲要拖住 d 行李 wor，真係攪到幾狼狽~

辦好入境手續之後，我哋就搭接駁巴士返樂從，到達表叔的家都差唔多 4:30pm lu~

表叔的家，地面果層係五金鋪、士多 & 貨倉，而樓上就係起居室。

細過返來的時候，我哋就係住係呢度，而表叔的 2 個女(即係我的表妹)就會去同學家借宿，讓佢哋間房比我哋瞓~

但由於表叔的女都已經大晒，又嫁了人，所以表叔的家亦都裝修過，已經唔夠位比我哋住~

所以我哋就會去表妹老公間別墅度住 2 日，間別墅係碧桂園，由樂從開車過去都差唔多 1 個鐘車程，都幾遠嫁~

放或咗 d 行李之後，表嬸就同我哋去 tea 一 tea 先，唔係講笑，真係去飲茶的，因為我哋係去咗間茶藝館，仲叫咗順德出名的雙皮奶添~

Tea 完之後就去咗表叔新起的樓參觀，都幾大嫁，有 3 層樓高，其中二層已經出租了~

參觀完表叔層樓之後，就返咗去鋪頭傾下計，大約 5:45pm 就出發去酒樓，呢間酒樓叫 "家庭莊"，係表叔的姪仔開的，所以先揀呢度來補擺囍酒~

"家庭莊"門外仲有隻驢仔係度，都幾得意嫁~

大約食到 8:30pm 就散席了，之後就返咗去表叔鋪頭，拎埋 d 行李過去碧桂園果邊~

係等的時候，我仲係表叔度上網 check 過曼聯 vs 車仔果場波的即時賽果，當時 joe cole 岩岩入波，車仔領先 1:0，yeah~ 不過成晚都幾緊張 lor，好擔心比曼聯追和呢~

我哋大約 10:30pm 就到達碧桂園，之後就洗澡，仲打了長途電話來 check 車仔場波的賽果添，好彩車仔羸咗 2:1，yeah~

第二日我哋一早就去咗碧桂園的會所飲早茶，之後就去咗表妹老公間公司參觀~

之後我哋就兵分 2 路，表妹就同我、老公同埋二嬸去佛山行街 shopping，我父母、二叔就同表叔返鋪頭傾計，之後再去其他地方~

夜晚就去咗另一位表叔的家打邊爐，又係差唔多 10:00pm 先返到去碧桂園，洗澡後毫要執埋 d 行李，然後先去瞓~

第三日又係一早就去飲早茶，不過呢次我哋去咗奧園的會所飲，之後就去返表叔的鋪頭，又係傾下計 & 周圍行下剩咁，之後就去咗食飯，食咗好多唔同種類的魚，真係好好味呀~

食飽飽係就時候告別了，我哋係 2:30pm 就搭返船公司的車出去碼頭，再搭 4:00pm 果班船返香港，大約 6:00pm 就到達了~