Sharon & Victor & Tung Tung 幸福之家

岩岩過去的週末，比較得閒，所以可以下廚整下嘢食~

星期五果日 (12/3)，放工後去咗大昌買咗隻冰鮮雞，同埋响街市買咗 d 菜、雜菇、洋蔥 & 甘筍，試下整烤全雞~

其實我想整好耐嫁喇，不過成日都唔太得閒，所以都未試過整，遇岩呢排老公晚晚都要 OT，差唔多 10 點先返，所以先試下整，又估唔到第一次整都幾好食 wor~

首先將 d 材料洗乾淨先，材料有冰鮮雞一隻、雜菇一包、洋蔥兩個同埋甘筍一條~

之後就要將隻雞 "琼" 乾水先，再用 d 鹽塗上隻的全身 & 腹腔內。跟住就將 d 洋蔥 & 甘筍切條 & 切片，再用牛油炒一炒香~

之後就要預備埋個醬料，我用了幾片姜同埋蒜頭、仲有生抽 & 卥水汁煮了一個汁出來，用來同隻雞上色~

將 d 炒香咗的雜菇、洋蔥同埋甘筍鋪係焗盤的底，而隻雞的腹腔都要塞滿，同埋要放一束蔥入 & 幾片姜入去，然後就用抄牙籤封口，再將之前已經煮好的汁臨落隻雞度，反覆做幾次，等隻雞上咗色，就可以放入已預熱的焗爐焗~

每邊要用 220 度焗 25分鐘，之後就要將隻雞反轉來焗，見到隻雞熟透就可以拎出來，係雞身上面掃一層油，再用 250 度焗多 5 - 10 分鐘~

焗好之後，就可以將鋪底的配菜放係碟底先，再將隻雞切件放係配菜上，即可上碟~

果晚仲整咗碟蠔油白菜仔添，兩公婆食都幾飽~

隻雞都幾入味，唔駛加豉油都 ok，特別係 d 配菜好入味，用來送飯一流呀~

星期六 (13/3) 見早起身，所以又走咗去整黑豆漿~

先用攪拌機將 d 黑豆用水攪拌好，然後就隔咗 d 黑豆渣，淨返 d 黑豆漿就加入花奶同埋糖煮熟佢即可~

到咗尋日 (14/3)，我就煲咗個猴頭菇螺片瘦肉湯，因為老公鍾意飲湯，不過可惜我唔係成日都睇住個火，攪到得返 2 碗湯，想留返少少今晚 (15/3) 飲都無添~

除了煲湯，我仲整咗蜜餞金沙骨，我用咗 d 义燒醬來 "yip" d 金沙骨~

用 220 度來焗 25 分鐘，之後再加 d 燒烤蜜糖上面，再用 250 度焗多 5 分鍾即可~

我仲炒咗個椰菜添~