Sharon & Victor & Tung Tung 幸福之家

今朝老公仔要返學，而我由於尋日影了成日相好攰的關係，我瞓到成 11 點先起床 ~

等佢返學之後，我哋就去了世紀伊甸園婚紗影城揀相 ~

可能之前係網上睇了唔少 comments 都係話呢間攝影公司影的相唔掂，所以我哋都無抱住 d 乜嘢期望去揀相~

到達時大約 4:30pm 度，我哋個 package 係包了 12 張 4" x 5" 的相的，我哋入去之前已經講好，最多只會加 5張相 (每張要 $148) ，所以抱住呢個心態開始揀相的過程，我哋首先用 slideshow 睇一次 d 相先，原來上次影了 147 張 ~

睇完一次之後，感覺上唔係太差，但當然唔可以講話好好啦 ~

根住我哋就進行第一輪篩選，我哋首先 cut 晒 d 眼神唔一致的相 (都幾多下，我估有成 20-30 張都有)，同埋影得唔好同埋影得我好肥的相，經過第一輪篩選之後，大約剩下 45 張度。

第二輪開始之前，我哋先傾好，會揀 3 張我的單人相，同埋揀 1 張老公仔的單人相，其餘 8 張就係合照，所以我哋一開始就先選好 4 張單人相，只餘下大約 20 張合照再去篩選剩 8 張 ~

大約再睇多幾輪之後，我哋決定加多 3 張相，因為有 3 張合照真係影得好靚，我想 keep 返個 softcopy，所以就買下它們 (但佢哋 d 相全部都唔包執相嫁) ~

我哋個 package 有 4 張唔同 size 的大相，每款一張，選大相當然就係用合照來做啦 ~ 所以我哋又要係呢 11 張合照裡面揀 4 張出來做大相，然後再按喜歡情度再決定佢的大細 ~

大約 5:15pm 度，我哋就完成整個揀相的過程，佢哋的 sales 又唔會點 sell 你買相，所以好快就可以走得了 ~

根住我哋就搭出車出返去元朗，再搭 968 去灣仔，睇下婚紗展冇乜嘢買~

我哋 d 相大約 5 月 15 日可以有得攞，到時再 post 出來啦 ~