話說係 8 月中我哋去了揀囍帖，同埋比 d 資料比間公司去打犒，前晚 (2/9) 我哋就收到初犒，一睇嚇了一跳，點解會有咁多錯嘅!!! (真係正如 blog 友大眼妹所講，佢哋 d 犒真係好多問題，要小心 d check 先得)
先講英文版，打漏了我哋証婚果間公司同禮堂的名稱，又串錯了 "Banquet" 呢個字 (打了 "Banquwt")~
而中文版呢，就打漏了我哋擺酒果間酒樓，最近的港鐵站出口，同埋用錯了字型~
其實所有的資料，我哋係佢間 shop 已經填寫得清清楚楚，我都唔明佢哋照打都可以打錯晒，佢哋究竟有無 check 過先 send 比客人嫁 ??
根住我哋就各自比屋企人過下目，然後就再 mark 低要改的嘢，第二日 office hours 內再比佢哋傾~
到了尋日 (3/9)，我下午 2 點幾就開始打電話比間嘢 (佢哋 office hours 係 2:00pm - 8:30pm 的)，打了好耐先通同埋有人接，跟住同佢講話有好多錯，點知上次個衰 sales 用埋 d 臭串的 tune ，叫我有乜錯就係 email 話比佢知，會再有人覆我，咁就收了線，真係好嘢 !!!
根住我就 mark 低晒要更正的嘢，就 send 了 email 比佢哋，大約個半鍾就收到佢哋個 revised 的 version，呢次好好多，所有嘢都無問題~
咁我哋就返咗工之後過去佢哋間 shop，簽名 confirm 同埋比埋 d 尾數就 ok 了~
而家要等到 10/10 先有得拎，個 sales 仲叫我哋早 2 日前打電話比佢約時間，先好過來拎 (當然又係用 d 臭串 的 tune 啦)~
又攪掂多一樣嘢，之後我哋過了始創中心食飯，試了一間叫小魚滋味 (係 2/F) 的食店，食物的味道幾好，而且都唔算太細碟，最好就係 d 座位幾舒服，環境都算乾淨寧靜，而且價錢都唔算貴，真係幾好 ~
嫩雞菜肉雲吞鍋 ($55)
魚腐雜錦鍋 ($55)
留言列表
