Sharon & Victor & Tung Tung 幸福之家

2008-09 年的轉會鬧劇終於都結束了，成個鬧劇的主角同編導一定係皇家馬德里!!

由引誘 C朗轉會開始，到唔比羅賓奴轉會車仔，再到 transfer windows deadline 果日將羅賓奴買去曼城，以上種種，簡直係一個鬧劇，亦都睇得出皇馬係一間損人利己的球會。

先講引誘 C朗轉會呢件事，皇馬的做法非常高調，而且仲用埋佢哋份代言日報來報導，又有白達禮的 C朗係奴隸的言論，簡直係厚顏無恥。

到車仔求購羅賓奴呢件事，我相信皇馬應該有口頭承諾過賣羅賓奴比車仔，唔係車仔的高層唔會話 48 小時可以完成轉會，又係車仔的官方網站預售羅賓奴的球衣，亦將 SWP 賣比曼城。之後唔賣的時候，又話車仔的做法高調，要向足總投訴云云，難道佢哋求購 C朗的手法比車仔求購羅賓奴的手法低嗎?  真係荒天下之謬~

首先球員本身要求轉會，而且講明係想去車仔，而車仔又出得好高的價錢 (2800 萬磅)，只是比皇馬的叫價低了 400萬磅，點解做一個人情，大家好來好去，係要攪到 3 方面的關係都唔好，況且我覺得羅賓奴根本就唔值 3200 萬磅，佢是否適合打英超都係一個未知之數，仲有當年車仔賣 Robben 比皇馬的時候，車仔的做法都係好來好去啦，既然球員想去，而對方又出得一定金額，就沒有留難任何一方面啦~

我最憎的一件就係皇馬係 transfer windows deadline 果日將羅賓奴買去曼城，令到車仔得唔到想要的球員，而個球員要去一個唔想的球會 (或者係坐一年板凳)，而曼城係唔係識得點去用羅賓奴亦都係一個問題，咁樣好可能對個球員的成長做成影響，皇馬呢一招真係毒，只有佢係贏家，其他人都係輸家。