二零一三年九月八日 星期日
今日老公話有 d 攰，所以就用 BB 車帶彤彤出街，用得 BB 車，即係只會去港鐵沿線嘅地方，所以我哋揀咗去鑽石山荷里活廣場~
去到荷里活廣場，就先去食個 tea 先，原先想去 Red Ant 的，但點知執咗，所以就去咗紅蔥頭，但果度好焗，仲有 d 蚊飛來飛去，我哋食飽就即走，費事留咁耐~
之後見唔係太猛太陽，我提議過隔離南蓮園池行下，起初老公驚曬親彤彤，唔多想去的，但經我再三游說，佢就話行一陣啦~
點知入到去，好好風呀，又無蚊 wor ，仲要唔係好曬添，老公仲話慢慢行下先，結果我哋行咗一個鐘，ha ha.....
由上星期某一日開始，彤彤就要自己拎住枝奶來飲，唔比我幫佢拎住，呢 2 日仲進步到可以坐係 high-chair 上，都照樣拎住來飲添，叻叻!~
二零一三年九月七日 星期六
行完 Aeon ，老公話想出去 TST 行下海旁，所以我哋就搭 MTR 出返 TST，然後去和民食晚飯，等咗大半個鐘先有位，crazy!~
食飽飽後，先去海港城幫彤彤換片片，再過去行海傍~
去到育嬰室，將彤彤放落去換片床上，彤彤好似好舒服咁大字型瞓係度望住我哋，好嘆 lor!~
二零一三年九月八日 星期六
之前聽人講，荃灣千色店有圖書特賣場，所以就同老公過去睇下有乜嘢岩彤彤~
過到去，原來只係得幾張枱放晒 d 書係度，話多唔多，話少唔少咁啦~
我哋揀咗 7 本中英對照嘅故事書($100)，另加一套4 本故事書 & 1 CD (要當 7 本計)，點知個收銀當咗 1 本來計 (因為係用袋套埋一齊的)，所以買平咗好多呀~
二零一三年八月三十一日 星期六
又到星期六，我同老公都諗唔到今日帶彤彤去邊好，諗諗下屯門開咗個新商場叫 V city ，不如就帶彤彤去下果邊啦，順便可以行埋屯門市廣場果間 Aeon~
因為老公話有 d 攰，所以我哋今日用 BB 車，但用得 BB 車，搭車就無咁方便，所以我哋選擇搭西鐵，起碼上落車都唔駛收車先~
大約 3 點幾到咗，V city 比我想像中大少少，但真係唔多岩行，似係專 for 自由人多 d lor~
行咗陣，我哋去咗紅螞蟻食 tea，份量比其他分店少，同埋地方好窄，坐得唔多舒服，所以我哋食飽就走，費事留咁耐~
由此 Yahoo!Blog 會結束，所以要另覓新居，暫時試咗幾個寫 blog 嘅地方，filter 剩下面 2 個：
http://diary.blog.yam.com/ha930
http://ha930.pixnet.net/blog
之後會 keep 住 update 一排，再決到最終會搬去邊~
各位 blog 友，如果你哋都會搬家，留時上面去是旦一個地方留個言比我呀，可以 keep in tounch 嘛!~
由於 Yahoo!Blog 要執笠，所以要搵地方搬家，初來報到，多多指教!~
呢排彤彤真係曳咗好多，晚晚唔願瞓不特止，仲要周圍攪攪震，又擒高擒低咁，總之就係無時停啦，唉~
睇下下面呢幾張相，叫住佢唔好擒高，佢都唔聽，發現我影佢，佢仲對住我笑添，真係激 c 人呀!!!
彤彤被我整蠱，將床鈴個吊飾放上頭上，好似個苗族姑娘咁，ha ha......
