Sharon & Victor & Tung Tung 幸福之家

二零一三年八月廿四日     星期六

之前係 Baby Kingdom 個網頭登記咗「親子王國 x Play House 親子玩樂 Summer Fun Party」活動，所以今日就帶咗彤彤出席。

呢個活動 $240 ，包 2 大人 1 小朋友，可以係 Megabox 果間 Playhouse 都玩 3 小時，仲包埋一人一個餐盒添，都算幾低的~

彤彤呢排真係開始百厭，見到嘢就想拎上手玩，又成日丟嘢落地下，之後叫人幫佢執返上來 (通常叫公公執)，又鍾意撕爛晒 D 紙 / 紙巾~


開頭都好地地，坐係 Daddy 大脾上玩點虫虫的 (婆婆近排教佢玩的)~

之後發現放餐牌個 Stand，隻手仔開發去探索喇!~

 

彤彤真係非常爛瞓，晚晚都係我隔離 360度咁轉來轉去，令我晚晚都瞓得唔好，日日都好似未瞓夠咁，我就來癲喇!~ 

好似尋晚咁，彤彤瞓到成個人打橫晒咁，朝早仲用隻腳一嘢伸埋我個嘴度，即時痛到我醒咗，之後抱佢瞓返好~

尋晚 (19 Aug 2013) 彤彤未夠鐘食奶奶，就係度扭食 (仲有成個半鐘先夠鐘)，所以我哋就比咗一塊麵包超人餅餅比佢試下，佢第一次食，就識得自己拎住塊餅餅，再放入口食添~ (佢仲未識拎住星星餅來食嫁)~


彤彤：乜嘢嚟嫁?

彤彤：媽咪，呢塊嘢食唔食得嫁?

二零一三年八月十八日     星期日

之前朋友同我講中環間 H&M 結束營業，話所有貨品再有 7 折，所以就同老公過去睇下~

點知原來唔係全部貨品都係，只係 selected item 先有，所以都無乜嘢岩，只係買咗一 set Kitty 髮夾比彤彤 ($29.9)，但竟然送返$50 cash coupon，超低呀!~

之後我哋過返 TimeSquare，因為果度有玩具開倉呀，睇下有無嘢岩買比彤彤玩先~

呢架 kitty 三輪車 ($165)，不過佢對腳未夠長，要大d先岩玩~

二零一三年八月十七日     星期六

其實今日都唔想去美食展的，因為彤彤仲細，好驚入到去多人會迫親佢，但老公又想去行下，而我又想入去買榴槤月餅，所以都係去咗，ha ha.....

因為帶埋彤彤嘅關係，我哋唔駛係外圍打圈，可以由特別通道入場，所以好快就入到場了~

我哋先行 3 樓，嘩....... 勁多人，D 路又窄，所以都幾難行，我哋都無乜心機買嘢，之後落返去 1 樓行~

二零一三年八月十七日     星期六

今日早上八點就瞓醒咗，又瞓唔返 wor，就瞓係床上，用 iPad 來睇下網球比賽，當時彤彤係我身邊自己玩緊玩具，佢見我用 iPad 睇嘢，就玩具都唔玩，即時爬過來，仲要爭住霸頭位來睇添@@

之前幫彤彤報名參加咗「我愛MaMa」BB照片大招募，彤彤由云云參賽者 (超過一千人) 中，被揀選進入 200 強，可惜未能進入最後15強，但能夠入選 200 強，都已經好開心了~

二零一三年八月十四日     星期三

今日零晨時間已經掛起8 號風球，但我哋一家三口當時都已經瞓晒，所以都唔知佢幾時掛，ha ha ......

今朝瞓到十點幾先起身，彤彤亦都係一樣，餵完奶就陪彤彤玩下~

二零一三年八月十三日     星期二

今日三號風球，我放工後返我父母家接彤彤，但老公因為塞車未返到，所以就陪下彤彤玩下先~