Sharon & Victor & Tung Tung 幸福之家

二零一三年八月五日     星期一

之前去 BB Expo 拎咗盒亨氏嘅果汁，就比彤彤試下飲，佢又肯飲 wor，我唔比佢飲咁多，佢仲想繼續飲添~

其實佢飲剩果 2/3 盒，都係我飲埋，我覺得唔太好飲，有少少酸酸咪咪咁，我都唔明點解彤彤會鍾意飲~

二零一三年八月三日     星期六

今日帶咗彤彤去 BB Expo，今次係我同老公第 3 次去 BB Expo，第一次係想生 BB 前去過一次；第二次係上年拕住彤彤時；呢次係第三次，而彤彤就第一次來~

我哋大約 1:30pm 就到達會場，果時人都唔算太多，而且每一行嘅走廊都好闊落，所以都行得幾舒服~
 
但到咗 3 點後，人開始多，有部份位置都好多人，比較難先行到~

雖然尚有個多月才到中秋節，但我哋已經買咗一個燈籠比彤彤，因為呢個燈籠好有意義，義賣所得嘅錢會捐比奧比斯，可以幫助好有需要嘅人~

彤彤呢排有個好變態嘅行為，就係勁鍾意搞人家嘅肚池。

只要有人瞓起佢身邊陪佢一齊瞓/玩，佢就會爬過來，二話不說就拎起人家件衫，用手去抓人家嘅肚池，又會用口去錫/啜人家嘅肚池。

如果人家用手擋住個肚池，佢會用手推開你，之後再玩過；如果推唔開，就會發脾氣，除非即刻坐返起身，真係好變態呢!~

二零一三年七月廿八日    星期日

影完相，見時間尚早，未夠鐘返我父母家食飯，所以老公就提議過去將軍澳站行下 Babies 反斗城~

由於我哋過到去都成6 點半，已經無乜人行 & 玩，所以彤彤可以自己一個人係枱上試玩玩具，職員見無乜BB試玩，仲主動拎多幾樣玩具過來比彤彤玩，所以佢玩得好開心呢，仲玩完一張枱嘅玩具，又玩另一張枱上嘅玩具添~

二零一三年七月廿八日    星期日

影完 Hello Kitty，我哋就同彤彤過咗去將軍澳東港城行街，點知果度又有竇石竉物精靈影wor，所以又同彤彤影下相先~

二零一三年七月廿八日    星期日

朗豪坊近排有個「朗豪坊暑假喜相逢 - Hello Kitty 走過獅子山下」嘅展，彤彤作為一個小小 Kitty Fans，當然要第一時間去朝拜一下啦!~

我哋大約 1 黠半到，已經開始多人，但都唔算排好耐隊就可以影相，同埋都算有秩序~

影到 2 點度，彤彤開始肚餓，我哋就去食 lunch 先，順便餵埋奶，之後再影過，點知已經勁多人，又要排好耐隊先可以影到相，再加上彤彤開姑眼瞓，所以我哋再影多一陣就離開了~

近排彤彤唔鍾意瞓係度，又唔鍾意坐係度，成日想企起身，一見到有嘢可以比佢扶，佢就會爬過去，扶住企起身~

之前都仲會用雙手扶住，近排開始改用單手，另一隻手仔就周圍摸索，見嘢就拎 or 拍打@@

話說不嬲都對我條 kitty 電話繩好好奇，成日都想拎來玩，近排仲開始一見到就伸手過來搶，有時仲好大力就一手拉走埋我部電話添~

早幾日，我如常地瞓係床上用電話上下網，彤彤就係我隔離玩玩具，佢玩玩下見到條電話繩就爬過來我度，再用力一拉，條電話繩即時斷咗@@

個衰妹就即時搶咗隻 kitty 來玩添，真係比佢激 c 呀!~

二零一三年七月廿七日    星期六

今日我哋同彤彤去太古行街街，順便帶彤彤睇埋 Lego 世界遺產展，我仲係太古 shopping ，買咗好多嘢添，ha ha.....