Sharon & Victor & Tung Tung 幸福之家

二零一三年八月十一日    星期日

尋日 (10 Aug 2013) 彤彤 9 個月大喇，時間過得真係快~

Daddy & Mami 祝你快高長大、健健康康、聽教聽話、聰明伶俐、生活愉快!~

今日返我父母家食飯，所以就去東海堂買咗個蛋糕來慶祝，但個蛋糕唔太好食 (原先我想買蜜瓜果隻的，但行咗幾間都賣晒，所以先買巨峰提子)~

二零一三年八月十一日星期日

今日 iSquare 果間 Baby 反斗城試業，所以橫掂嚟開 TST 就過來睇下，順便比彤彤試玩下 D 玩具~

上到去，無乜人，可能D人未知佢已經開咗，所以彤彤可以一個人自己玩晒枱上嘅玩具，佢勁開心，樣樣都拎來玩，ha ha.....

二零一三年八月十一日     星期日

今日第二次帶彤彤入場睇戲，呢次睇「怪獸大學」，我就覺得幾好睇，但老公同彤彤就睇咗 15 分鐘度就瞓咗~

彤彤大約瞓咗 45 分鐘度就醒咗，之後就我抱住佢睇，有時仲會笑到咔咔聲添，連前面果排的人都望過來睇下，haha....

但到咗最後果 10 分鐘，彤彤開始唔耐煩，係度扭扭地計，要勞煩 Daddy 抱佢出場，費事佢騷擾到其他人~ (事後老公同我講，彤彤一離場就收晒聲，仲係度拍手掌 & 笑添~)

睇完戲就去食 lunch ，之後我哋出咗  TST 行下，我哋先去美麗華商場，因為想行下商務，睇下書咁~

近排發現彤彤成日半夜扒起身玩，玩到攰又瞓過，有時我都未必知佢半夜有無醒過, 好多時都係我瞓醒時，見佢成個人180 度咁調轉咗，先知佢半夜醒過。

我哋好驚佢半夜醒咗自己玩時，會撞到個頭埋牆/窗台，所以都係買塊膠地墊圍住牆邊 & 窗台安全 d~

呢排朝早瞓醒時，都會見到彤彤咁樣瞓，唔通咁瞓會瞓得冧d咩?!

我同老公見到彤彤咁瞓，真係忍唔住笑咗出來呀!~

二零一三年八月十日     星期六

今朝一早帶埋彤彤同四大長老一齊飲茶，但彤彤有D眼瞓，係咁扭計，氹咗一大輪先瞓，到我哋飲完茶，佢先醒。之後我哋過咗旺角新世紀廣場嘅荷花，拎 baby kingdom 送嘅片片禮物~

拎完片片禮物之後，老公話搭西鐵過荃灣行下，所以就過咗去行街街了~

二零一三年八月十日     星期六

之前參加 Baby Kingdom 投票，擇點先係好嘅尿片，估唔到抽中咗，有大碼尿片一包 wor~

所以今日就去了旺角嘅荷花，拎新設計嘅 Pampers 片片一包~

今晩回家途中收到電話，話有罐奶粉 sample 放咗係大堂保安度~

最近幫彤彤參加咗「夏日 BB 四圍遊」呢個比賽，只要係投票期內，得到最多 like 嘅頭 50 位BB，佢哋嘅相就會登上巴士車身~

麻煩各位靚媽靚爸幫手 like 下彤彤啦，Thanks!~

https://apps.groupbuyer-event.com/babyshare2013/Photo/146.html

二零一三年八月四日     星期日

第一次帶彤彤入場睇戲，揀咗藍精靈2來睇，彤彤初次入場睇戲，一d都唔驚，仲表現得好開心添，睇咗10分鐘到，彤彤瞓著咗，瞓咗45分鐘度，之後大約40分鐘嘅時間，彤彤都好安靜咁睇戲，有時睇睇下仲會笑出聲&拍手掌添，全程都無喊過，叻叻!~

呢排幫彤彤影相，佢都唔多合作，見我一想影佢，佢就會擰開唔望鏡頭，一係就古靈精怪，多多表情，仲成日整埋 D 怪樣出來~