Sharon & Victor & Tung Tung 幸福之家

今日無意之中睇到一篇報導，原來係剛過去的法國網球公開賽，一班網球明星，各先自拍咗 1 分鐘的唱 k 片段，仲成為 youtube 的熱播添~

Roger Federer:
http://www.youtube.com/watch?v=LCQp052RrHM

Roger Federer & Novak Djokovic:
http://www.youtube.com/watch?v=hJmcGepzQo4

Ana Ivanovic:
http://www.youtube.com/watch?v=01ftuhIqU4E&feature=related

今日見無乜地方特別想去，所以就去咗將軍澳飲下午茶，今次去咗稻香飲~

食飽之後就入咗去西貢，因為都好耐無去過，同埋睇下有乜嘢海鮮買先~

今日西貢都幾好人，又有好多人係度放狗，仲有人係度練習緊爬龍舟添~

話說之前係宜x買咗個 3桶櫃用來載衫，點知用咗唔夠 2 日，就發現 d 櫃桶的底不勝負荷，全部都向下彎了~

咁一個幾百蚊買返來的櫃，都預咗唔會好耐用，但都唔係咁化學呀 ?? 用咗 2 日就爛 !!

咁唯用有膠 "痴" 住底，希望有少少乘托力啦~

但點知都係唔得，開第一個櫃桶會同時 3 個櫃桶一齊開，仲有 d 成個櫃向前跌的 feel 添~

但無理由買返來就咁就掉咗佢嫁，所以就忍多一陣先，終於忍了 3 個月，忍無可忍啦~

大家唔好誤會，我唔係有咗~

所謂的新成員，係指佢哋呀~

二零一零年五月一日 (星期六)

由於老公係母親節果日要去同事的婚宴，唔能夠係正日同媽咪慶祝，所以就提前一個星期食飯慶祝~

今次揀咗去 apm 的家傳滬曉食飯，環境舒服，又好味~

呢排多咗自己煮飯，所以都試咗整唔同的小菜~

麻婆豆腐

二零一零年四月二十五日 (星期日)

今日見無乜地方想行，所以就同老公去咗香港歷史博物館行下，估唔到入面好多嘢睇，我哋竟然行咗成 4 個鐘，仲要係行好好快下果種，有 d 地方都唔夠時慢慢睇~ (因為博物館夠鐘閂門)

只需 $10 入場費，兩個人都係 $20，就可以消磨成個下午，真係唔錯的選擇啦~ 

二零一零年四月八日 (星期六)

唔知大家仲有印象，之前我咪係廣州訂造咗件晚裝，係 big day 果日著來迎賓嘅，婚後我就係 discuss 同 esdlife 度出 post，睇下可唔可以轉讓，由出 post 到而家都幾 4 個月，其間都係得幾個查詢的 pm 問過，仲要係傾唔岩價錢添，所以我都打定輸數，諗住都係賣唔出，所以我都費事推返我個 post 上第一頁了~

點知係早幾日，收到一個 pm，有人問呢條裙賣幾錢，我開價 $600，根住對方還價問 $400 可唔可以，我覺得都 ok，所以就 confirm 了對方 (其實我預咗買家會還價的，所以不嬲都係開 $600 等買家再還價，但之前詢問過的人連還都沒有，所以就做唔成交易)

二零一零年四月五日 (星期一)

今日一早就同老公出了門，因為要係荃灣會合奶奶同埋其他親戚，一齊去拜祭老公的阿公~

拜完山後就出返去旺角飲茶，之後就去咗舅父家打麻雀，我就有少少斬獲，但奶奶就做咗輸家~

之後又一齊去食火鍋自動餐，差唔多 12 點先返到屋企~

二零一零年四月六日 (星期二)

努力咗成年，終於重奪失落咗 3 年的英超錦標，恭喜車仔~

今年的英超冠軍爭奪，真係前所未有咁緊張，要鬥止最後一輪先可以分到勝負~

最後果幾輪，車仔同曼聯的球迷都好緊張，大家都希望對手會失分，重奪爭冠的主導權~

尋晚對韋根的比賽，賽前我都好擔心，因為韋根今季曾經係主場羸咗車仔 3:1，賽前又有費 sir 的推波助瀾，鼓勵韋根力阻車仔；而韋根的隊長米茲洛 (前車仔右閘球員)同領隊又係賽前大打口水杖，話要証明韋根係一支好球隊，會全力擊敗車仔云云~

但真係估唔到最終的結果係 8:0 咁大的比數，仲破埋英超的入球數字同入球數字超過 100球，同時杜奧巴後上，以 3 球力壓朗尼，再一次成為英超的神射手，真係超開心~