Sharon & Victor & Tung Tung 幸福之家

二零一三年九月十七日     星期二

今晚返完奶奶家食飯，回到家中都成 10 點了，之後攪一大輪，差唔多 11 點都可以好好享受同彤彤一齊玩嘅快樂時光~

平時我哋多數晚上 9 點就會一齊返房玩，玩到 11 點就餵彤彤食奶，之後就再玩多一陣就會瞓，晚晚如是~

彤彤次次都係，一放佢落床，就會爬去玩具箱，之後就摷晒 d 玩具出來，攪到成床都係玩具，之後又周圍爬下摸下咁~

當彤彤開始眼瞓，我就會幫佢著返個睡袋，再幫佢收拾好 d 玩具，就陪佢一齊瞓，所以我而家多數都係 12 點先就瞓了~

彤彤呢排真係好百厭，成日都想擒高攪 d 物品，又成日想攪把風扇~

我哋越話唔比攪，佢就越係要攪，真係無晒佢符~

二零一三年九月十五日     星期日

今日帶咗彤彤去新都城，我哋先去和民食 lunch 先，因為之前係開飯團購買咗 2 套 $100 coupon (只係賣 $20 一套)，所以就用咗佢~

但我哋覺得唔太低食，叫咗幾樣嘢，就 $229 了，份量仲要幾細下添，好彩係用團購價買啫~

之後就同彤彤行下街，見到有 d 用紅白藍膠布做成嘅花燈，都幾特別，所以就同彤彤一齊影下相~

二零一三年九月十四日     星期六

今朝同彤彤瞓到成十一點先起床，之後攪下呢樣攪果樣，出得門口時，都差唔多 12 點半了~

由於晚上要去旺角，同 d 親戚食飯做節，所以我哋揀咗去黃埔，多嘢行得來，又無咁迫人~

我哋先去 Ant One 食飯，因為之前係開飯團購買咗幾 3 套 $100 coupon (只係賣 $20 一套咋)，所以就去用咗佢~

食飽飽後，就去行下 Aeon，但無乜嘢岩買，所以過咗賣童裝果個商場~

二零一三年九月十日     星期二

彤彤 10 個月大喇!~

Daddy & Mami 祝你快高長大、健健康康、聽教聽話、聰明伶俐、生活愉快!~

今日放工後，行咗 2 間東海堂，先買到蜜瓜蛋糕同彤彤慶祝 10 個月生日，真係好彩都搵到咋，切咗來食，真係好好味呀，唔怪之得咁好賣啦!~

二零一三年九月八日     星期日

行完荷里活廣場，我哋就去咗 Pop corn 嘅 Baby 反斗城，因為之前幫彤彤參加咗 Babies反斗城嘅 model 比賽，雖然落選咗，但竟然都有禮物，就係Babies反斗城$50 coupon 同證書一張，我哋用果張 coupon 補多$9x，買咗隻發聲恐龍仔比彤彤~

拎完禮物，我哋就係 Pop corn 行咗陣，又同彤彤影下相咁，之後就返咗我父母家食飯~

二零一三年九月八日     星期日

今日老公話有 d 攰，所以就用 BB 車帶彤彤出街，用得 BB 車，即係只會去港鐵沿線嘅地方，所以我哋揀咗去鑽石山荷里活廣場~

去到荷里活廣場，就先去食個 tea 先，原先想去 Red Ant 的，但點知執咗，所以就去咗紅蔥頭，但果度好焗，仲有 d 蚊飛來飛去，我哋食飽就即走，費事留咁耐~

之後見唔係太猛太陽，我提議過隔離南蓮園池行下，起初老公驚曬親彤彤，唔多想去的，但經我再三游說，佢就話行一陣啦~

點知入到去，好好風呀，又無蚊 wor ，仲要唔係好曬添，老公仲話慢慢行下先，結果我哋行咗一個鐘，ha ha.....

由上星期某一日開始，彤彤就要自己拎住枝奶來飲，唔比我幫佢拎住，呢 2 日仲進步到可以坐係 high-chair 上，都照樣拎住來飲添，叻叻!~

二零一三年九月七日     星期六

行完 Aeon ，老公話想出去 TST 行下海旁，所以我哋就搭 MTR 出返 TST，然後去和民食晚飯，等咗大半個鐘先有位，crazy!~

食飽飽後，先去海港城幫彤彤換片片，再過去行海傍~

去到育嬰室，將彤彤放落去換片床上，彤彤好似好舒服咁大字型瞓係度望住我哋，好嘆 lor!~

二零一三年九月八日     星期六

之前聽人講，荃灣千色店有圖書特賣場，所以就同老公過去睇下有乜嘢岩彤彤~

過到去，原來只係得幾張枱放晒 d 書係度，話多唔多，話少唔少咁啦~

我哋揀咗 7 本中英對照嘅故事書($100)，另加一套4 本故事書 & 1 CD (要當 7 本計)，點知個收銀當咗 1 本來計 (因為係用袋套埋一齊的)，所以買平咗好多呀~

二零一三年八月三十一日     星期六

又到星期六，我同老公都諗唔到今日帶彤彤去邊好，諗諗下屯門開咗個新商場叫 V city ，不如就帶彤彤去下果邊啦，順便可以行埋屯門市廣場果間 Aeon~

因為老公話有 d 攰，所以我哋今日用 BB 車，但用得 BB 車，搭車就無咁方便，所以我哋選擇搭西鐵，起碼上落車都唔駛收車先~

大約 3 點幾到咗，V city 比我想像中大少少，但真係唔多岩行，似係專 for 自由人多 d lor~

行咗陣，我哋去咗紅螞蟻食 tea，份量比其他分店少，同埋地方好窄，坐得唔多舒服，所以我哋食飽就走，費事留咁耐~

呢排彤彤真係曳咗好多，晚晚唔願瞓不特止，仲要周圍攪攪震，又擒高擒低咁，總之就係無時停啦，唉~

睇下下面呢幾張相，叫住佢唔好擒高，佢都唔聽，發現我影佢，佢仲對住我笑添，真係激 c 人呀!!!

彤彤被我整蠱，將床鈴個吊飾放上頭上，好似個苗族姑娘咁，ha ha......

二零一三年八月廿四日     星期六

之前係 Baby Kingdom 個網頭登記咗「親子王國 x Play House 親子玩樂 Summer Fun Party」活動，所以今日就帶咗彤彤出席。

呢個活動 $240 ，包 2 大人 1 小朋友，可以係 Megabox 果間 Playhouse 都玩 3 小時，仲包埋一人一個餐盒添，都算幾低的~

彤彤呢排真係開始百厭，見到嘢就想拎上手玩，又成日丟嘢落地下，之後叫人幫佢執返上來 (通常叫公公執)，又鍾意撕爛晒 D 紙 / 紙巾~


開頭都好地地，坐係 Daddy 大脾上玩點虫虫的 (婆婆近排教佢玩的)~

之後發現放餐牌個 Stand，隻手仔開發去探索喇!~

 

彤彤真係非常爛瞓，晚晚都係我隔離 360度咁轉來轉去，令我晚晚都瞓得唔好，日日都好似未瞓夠咁，我就來癲喇!~ 

好似尋晚咁，彤彤瞓到成個人打橫晒咁，朝早仲用隻腳一嘢伸埋我個嘴度，即時痛到我醒咗，之後抱佢瞓返好~

尋晚 (19 Aug 2013) 彤彤未夠鐘食奶奶，就係度扭食 (仲有成個半鐘先夠鐘)，所以我哋就比咗一塊麵包超人餅餅比佢試下，佢第一次食，就識得自己拎住塊餅餅，再放入口食添~ (佢仲未識拎住星星餅來食嫁)~


彤彤：乜嘢嚟嫁?

彤彤：媽咪，呢塊嘢食唔食得嫁?

二零一三年八月十八日     星期日

之前朋友同我講中環間 H&M 結束營業，話所有貨品再有 7 折，所以就同老公過去睇下~

點知原來唔係全部貨品都係，只係 selected item 先有，所以都無乜嘢岩，只係買咗一 set Kitty 髮夾比彤彤 ($29.9)，但竟然送返$50 cash coupon，超低呀!~

之後我哋過返 TimeSquare，因為果度有玩具開倉呀，睇下有無嘢岩買比彤彤玩先~

呢架 kitty 三輪車 ($165)，不過佢對腳未夠長，要大d先岩玩~

二零一三年八月十七日     星期六

今日早上八點就瞓醒咗，又瞓唔返 wor，就瞓係床上，用 iPad 來睇下網球比賽，當時彤彤係我身邊自己玩緊玩具，佢見我用 iPad 睇嘢，就玩具都唔玩，即時爬過來，仲要爭住霸頭位來睇添@@

之前幫彤彤報名參加咗「我愛MaMa」BB照片大招募，彤彤由云云參賽者 (超過一千人) 中，被揀選進入 200 強，可惜未能進入最後15強，但能夠入選 200 強，都已經好開心了~